90 yaşlı Osman kişi indiyədək doğma kəndində 40 min ağac əkib...-İBRƏTAMİZ -VİDEO

90 yaşlı Osman Erol doğma kəndinin yaşıllaşdırılması prosesinə verdiyi töhfəyə görə özünü xoşbəxt sanır.
Moderator.az xarici İslam saytlarına istinadla xəbər verir ki, təxminən 35 il öncə öz kəndinin ətrafında ağaclar əkməyə başlayan müsəlman kişi Türkiyənin Çankırı əyalətinin Kızılırmak rayonunun Halaçlı kəndində yaşayır.
O, bu illər ərzində badam, gavalı və armud kimi meyvə ağacları, həmçinin şam və qovaq ağacları əkib. Bu günədək Osman kişinin əkdiyi ağacların sayı 40 mini ötüb. O, yaşının çox olmasına baxmayaraq fidan və ağacların qayğısına qalmaqda davam edir.

"Mən gavalı və armud əkmişəm. Kənd sakinləri əkdiyim ağacların bəhrələrini yeyirlər. Kəndin elə bir yeri yoxdur ki, mən orada ağac əkməmiş olum. Qovaq, söyüd, badam -ağlınıza gələn hər bir şey. Mənim işim, sadəcə, əkməklə bitmir - onlara daim qulluq edirəm", – deyə Osman Erol bildirib.

"Qubernatora söz vermişəm ki, ölənədək ağac əkməyə davam edəcəyəm. Dünyamı dəyişəndə insanlar əkdiyim ağacların meyvələrindən yeyəcək və mənim üçün dualar edəcəklər", – deyə müsəlman bağban vurğulayıb.

Telegramda izləyin