"Ermənillərin zərrə qədər ağlı olsa, bundan sonra bizimlə sülh şəraitində yaşayarlar"

"Laçını tərk edən ermənilərin orada törətdiyi yanğınlar bir daha onların necə vəhşi və barbar xislətə sahib olduqlarını sübuta yetirir".

Bu sözləri Sonxeber.az-a danışan deputat Cavanşir Paşazadə deyib.

O, qeyd edib ki, tarix boyu ermənilər Azərbaycan torpaqlarını zəbt edərək orada insanlığa yaraşmayan vəhşiliklər törədiblər:

"Bu evlərin bir qismi işğaldan əvvəl Laçın sakinlərinin, digər qismi isə azərbaycanlıların dağıdılmış evlərinin yerində erməni lobbisinin 2013-cü ildə inşa etdikləridir. 30 ilə yaxın müddətdə soydaşlarımızın evini zəbt edən ermənilər avqustun 25-nə kimi oranı tərk etməlidirlər. Ermənilər Kəlbəcərdə törətdikləri vəhşiliyi Zabux kəndində təkrarlayırlar. 30 il ərzində olduğu kimi, növbəti dəfə də demokratiyadan ağız dolusu danışan beynəlxalq təşkilatlar və dövlətlər ermənilərin bu barbarlığını görməzliyə vuraraq əsl simalarını ortaya qoyurlar.

Laçının işğalı nəticəsində 1 şəhər, 1 qəsəbə, 125 kənd, 13745 fərdi yaşayış evi, 48 sənaye, 63 kənd təsərrüfatı obyekti, 109 təhsil, 142 səhiyyə, 217 mədəni-maarif müəssisəsi, 460 ticarət obyekti, 30 rabitə qovşağı ermənilər tərəfindən dağıdılaraq yandırılıb. Ermənilər bu gün hansı təxribatı törətməklərindən asılı olmayaraq, öz çirkin niyətlərini reallaşdıra bilməyəcəklər. Laçın rayonu, o cümlədən Zabux kəndi yenidən qurulacaq və tezliklə həmin torpaqların əsl sahibləri öz ata-baba yurdlarına qayıdacaqlar".

Deputat vurğulayıb ki, Ermənistan 2020-ci il noyabrın 10-da imzalanmış üçtərəfli bəyanatın şərtlərinə əməl etmir, müxtəlif təxribatlara əl atırlar:

"Ermənilər unutmamalıdırlar ki, Azərbaycan 90-cı illərin əvvələrindəki kimi başsız və gücsüz deyil. Bu gün Azərbaycanın güclü dövlət başçısı, Ali Baş Komandanı və ordusu var. Onlar törədəcəkləri hər bir təxribatın cavabını, 44 günlük Vətən müharibəsində və bir neçə gün öncə "Qisas" əməliyyatında olduğu kimi, çox ağır şəkildə alacaqlar. Azərbaycanın mövqeyi bəllidir. Qanunsuz erməni silahlı birləşmələri Qarabağı tərk etməlidir. Əgər tərk etməsələr, növbəti dəfə "Dəmir yumuruğu" öz başlarında hiss edəcəklər. Ermənillərin zərrə qədər ağlı olsa, onlar təxribatlara son qoyub, bundan sonra bizimlə sülh şəraitində yaşayarlar".

Aysel Yusifqızı

Telegramda izləyin