"Övladlarına hansı dildə təhsil verəcəkləri valideynlərin öhdəsinə buraxılıb" - Müşfiq Məmmədli

Son günlər rus sektorunun dövlət hesabına maliyyələşməsinin ləğv edilib sadəcə özəl məktəblərdə tədris olunması məsələsi gündəmə gəlib. Bununla bağlı Sonxeber.az-a açıqlama verən Milli Məclisin deputatı, Elm və təhsil komitəsinin üzvü Müşfiq Məmmədli bildirib ki, Azərbaycan dövləti hər bir vətəndaşın seçim hüququnu ön plana çıxarır:
"Azərbaycanın təhsil strategiyasında yanaşma fərqlidir. Övladlarına hansı dildə təhsil verəcəkləri valideynlərin öhdəsinə buraxılıb. Məncə, bu, daha doğru addımdır. Azərbaycan multikultural dəyərlərə hörmətlə yanaşır, o cümlədən də digər etnik millətlərin dilindən sərbəst istifadə etməsinə şərait yaradır. Mən fikirləşirəm ki, bu prizmadan yanaşmaq daha dogrudur. Elm və Təhsil Nazirliyi təhsili ana dilində almağa çağırış etdi. Bu, dövlətin mövqeyidir, ancaq Azərbaycan dövlətinin yanaşması burda administrativ metodları yox, hər bir vətəndaşın seçim hüququnu ön plana çıxarır".

Şəbnəm Lətifi

Telegramda izləyin