Bakıda xəyanət cinayətə səbəb oldu - Yataq otağında arvadım...

Bakıda xəyanət cinayətə səbəb oldu - Yataq otağında arvadım...Bakıda qonşusuna ağır xəsarətlər yetirməkdə təqsirləndirilən Əli Niyamovun cinayət işi üzrə məhkəmə prosesi başa çatıb.

Əli Niyamovun qonşusu Habil Nəbiyevə hansı səbəbdən xəsarətlər yetirməsi ictimaiyyətə qaranlıq qalıb.

BAKU.WS xəbər verir ki, lent.az sözügedən cinayət işi üzrə materialları əldə edib.

İttihama görə, hadisə ötən il martın 13-də saat 21 radələrində paytaxtın Səbail rayonunda qeydə alınıb.

Belə ki, işdən evə qayıdan Əli Niyamov arvadı Gülnarı yataq otağında qonşusu Habil Nəbiyevlə cinsi əlaqədə olarkən tutub. Onların arasında mübahisə yaranıb. Əli Niyamov Habil Nəbiyevə əl və ayaqla, daha sonra kəsici-deşici alətlə xəsarətlər yetirib.

İstintaq orqanı tərəfindən Əli Niyamov barəsində Cinayət Məcəlləsinin 126.1-ci (qəsdən sağlamlığa ağır zərərvurma) maddəsi ilə ittiham elan edilib.

Məhkəmədə danışan Əli Niyamov ittiham üzrə özünü qismən təqsirli bilib. O bildirib ki, Habil qonşuluqda yaşayıb, münasibətləri əvvəllər normal olub:

"Habil hadisədən təxminən 2 ay əvvəl cəzaçəkmə müəssisəsindən amnistiya aktı əsasında azadlığa buraxılıb. O, tüfeyli həyat sürən, bir neçə dəfə törətdiyi cinayətə görə azadlıqdan məhrum olunan şəxs idi.

Bütün bunlara baxmayaraq, qonşu kimi dəfələrlə evimdə olub. Siqaretə, pula və digər ehtiyaclarına görə yanıma gələndə ona kömək etmişəm. Lakin o, əclaflıq elədi".

Təqsirləndirilən şəxs qeyd edib ki, həyat yoldaşı Gülnar övladları öləndən sonra psixoloji problemlər yaşayıb:

"Gülnar birdə görürdün yaddaşını itirir, heç kimi tanımırdı. Hətta dəfələrlə məni tanımayıb uşaqların adı ilə çağırırdı. Hadisə günü axşam saat 21:00-dək işdə olmuşam. Evin qapısını açanda sakitlik olduğunu gördüm. İçəri yataq otağına keçəndə Habilin həyat yoldaşım Gülnarla cinsi əlaqədə olduğunu gördüm. Həmin vaxt ani şok vəziyyətinə düşdüm. Habilin üzərinə atıldım və əlbəyaxa oldum. Ona əlimlə, ayağımla zərbələr vurdum. Şokda olduğumdan əlbəyaxa olan zaman onu neçə dəfə və necə vurduğumu xatırlamıram".

Əli Niyamov bildirib ki, Habil onun əlindən çıxaraq evdən qaçmağı bacarıb:

"Özüm də hələ şokdan ayılmadım. Yavaş-yavaş özümə gəldim, su içərək sakitləşdim. Sonra Habilin yaxınlıqda olan evinə getdim, anasını çağıraraq onu soruşdum. Anası onun evə gəlib, sonra harasa getdiyini bildirdi. Məndən nə olduğunu soruşdu. Baş verənləri ona danışdım. Habilin anası əli ilə dizinə, başına vuraraq oğlunu söydü. Sonra mənə yalvardı ki, bu barədə polisə deməyim. Çünki Habil cəzaçəkmə müəssisəsindən təzə çıxmışdı. Yenidən həbsxanaya qayıtmasını istəmirdi. Anasına hadisə barədə polisə xəbər verməyəcəyimi bildirdim.

Qarşılığında mənim də barəmdə polisə məlumat verməmələrini xahiş etdim. Anası razılaşdı. Sonra mən evə getdim. Bir saatdan artıq müddət keçdikdən sonra təcili yardım avtomaşınının səsini eşitdim. Çölə çıxanda maşının Habilin yaşadığı evə tərəf getdiyini gördüm. Onun yaşadığı evə gedəndə Habilin yarıçılpaq vəziyyətdə uzadıldığını, sinə və qarın nahiyəsində vurduğum zərbələrin təsirindən iki xəsarətin olduğunu gördüm. Başında da xəsarətlər vardı. Həkim Habilin təzyiqini ölçdü, təzyiqin sürətlə aşağı düşdüyünü bildirərək ölə biləcəyini dedi. Onu xəstəxanaya aparacaqlarını dedilər və apardılar. Həmin vaxt həkim nə olduğunu soruşdu. Bu barədə heç nə deyən olmadı. Yoldaşımı səhəri gün oğlumun Masazırdakı evinə apardım, sonra öz evimə qayıtdım. Həmin gün saat 17-18 radələrində oğlanlarım Nihad və Çingizi evə çağırdım. Hər ikisinə hadisə barədə danışdım. Saat 19 radələrində evdən çıxaraq işə getdim".

Təqsirləndirilən şəxs deyib ki, hadisədən iki gün qonşular ona polis tərəfindən axtarıldığını deyiblər:

"Bu xəbəri eşidəndən sonra evə keçərək yuyundum. Yemək yeyib uzandım. Ancaq yata bilmədim. Yerimdən qalxaraq saat təxminən 12-də evdən çıxıb Masazır qəsəbəsində yaşayan oğlumun yanına getdim ki, yoldaşımın vəziyyətinin nə yerdə olduğunu öyrənim. Həmin gün orada qaldım. Martın 16-da səhər saatlarında polisdən zəng vurdular, oğlumdan məni soruşdular. Oğlum onun yanında olduğumu və məni polisə gətirəcəyini bildirdi. Sonra oğlumla birlikdə polisə gəlib təslim oldum".

Əli Niyamov sonda qeyd edib ki, Habili öldürmək niyyəti olmayıb, xəsarət yetirməkdə məqsədi psixi xəstəliyi olan arvadı ilə cinsi əlaqədə olduğu üçün cəzalandırmaq olub.

Məhkəmə istintaqı dövründə zərərçəkmiş Habil Nəbiyev vəfat edib və məhkəmədə onu anası hüquqi varis kimi təmsil edib.

Bakı Ağır Cinayətlər Məhkəməsinin hökmü ilə Əli Niyamov 5 il müddətə azadlıqdan məhrum edilib.


Sonxeber.az
Telegramda izləyin
Kriminal   Baxılıb: 4289   Tarix: 17 sentyabr 2022  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

Azərbaycanda ailə qətliamı: Nə baş verib? - TƏFƏRRÜAT

Azərbaycanda həyat yoldaşını və qayınatasını qətlə yetirən kişi sonda özünü də öldürüb. "Xəzər TV"yə istinadən xəbər verir ki, dəhşətli hadisə Sabirabad rayonunun Əsgərbəyli kəndində baş verib. Saatlı rayonunun Bəylik kənd sakini, 1963-cü il təvəllüdlü Nizami Məhərrəmov ov tüfəngi ilə həya

22 avqust 2021
.

Azərbaycanda DƏHŞƏT - Arvad ərini öldürüb, kolluqda gizlətdi

Neftçala rayonunda 9 il əvvəl törədilərək bağlı qalmış cinayətin açılması təmin edilmişdir. Baş Prokurorluqdan -a verilən məlumata görə, 09.02.2013-cü il tarixdə Neftçala rayon sakini Mənəfov Mayis Nazim oğlunun Neftçala şəhəri, M.Ə.Sabir küçəsində yerləşən qəbirstanlığın yanındakı kolluq ərazidə çürümü

10 sentyabr 2021
.

Azərbaycanda yeniyetmə 53 yaşlı kişini öldürdü - YENİLƏNİB

Sentyabrın 10-u saat 06:00 radələrində 1968-ci il təvəllüdlü Əli Əliyevin bıçaqlanaraq xəsarət alması nəticəsində ağır vəziyyətdə Göyçay Rayon Mərkəzi Xəstəxanasına daxil olması və orada ölməsi barədə rayon prokurorluğuna məlumat daxil olub. Göyçay Rayon Prokurorluğunda aparılan araşdırmalarla zərərçəkmişi

10 sentyabr 2021
.

Azərbaycanda qadın qonşusunu bıçaqla öldürdü

Prokurorluq Gəncə şəhərində qadının qətli ilə bağlı məlumat yayıb. Şəhər Prokurorluğundan -a daxil olan məlumatda deyilir:. "Avqustun 31-i saat 17 radələrində Gəncə şəhər sakini, 1963-cü il təvəllüdlü Sücayət Məmmədovanın öldürülməsi barədə şəhər prokurorluğuna məlumat daxil olmuşdur. Aparılmı

1 sentyabr 2021
.

DİN ötən gün törədilən cinayətlərlə bağlı MƏLUMAT YAYDI

Daxili İşlər Nazirliyi (DİN) sentyabrın 10-da qeydə alınmış cinayət və hadisələr haqqında statistik məlumatları açıqlayıb. DİN-in mətbuat xidmətindən -a bildiriblər ki, respublikanın daxili işlər orqanları ötən gün ərzində törədilmiş 49 cinayətin üstünü "isti izlər"lə açıblar. Əvvəlki dövrlərdə

11 sentyabr 2021
.

Narkotik yetişdirən Hacıqabul sakinləri SAXLANILDI

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, eləcə də narkotik tərkibli bitkilərin kultivasiyası ilə məşğul olan şəxslər müəyyən edilərək məsuliyyətə cəlb olunublar. DİN-in Mətbuat Xidmətinin Şirvan regional qrupundan -a verilən məlumata görə, daxi

12 sentyabr 2021
.

"Anasına danışanda oğluna şər atdığımı dedi" - 10 il həbs verilən 26 yaşlı Nərmin

Ötən il Bərdədə həmcinsini güllələməkdə ittiham olunan 26 yaşlı Nərmin Mehrəliyeva 10 il müddətinə azadlıqdan məhrum edilib. Qətldə özünü təqsirli bilməyən N.Mehrəliyeva şəxsi istəyi olmadan cinsi əlaqəyə məcbur edildiyini bildirib. O, məhz həmin şəxsin anası Sevda Hacıyevanı ov tüfəngi ilə qətlə yetirməkd

2 sentyabr 2021
.

Gəncədə qadın qətlinin detalları: Hadisə yun çırpmaq üstündə olub - YENİLƏNİB

Ötən gün Gəncə şəhərində baş verən qətllə bağlı bəzi detallar məlum olub. Hüquq-mühafizə orqanlarından -a bildirilib ki, iki qonşu arasında baş verən mübahisə yun təmizləmək üstündə olub. Belə ki, Gəncə şəhər sakini, 1963-cü il təvəllüdlü Sücayət Məmmədova yaşadığı binanın qarşısında yun çırpırmış. B

1 sentyabr 2021
.

Qaxda baş verən yanğın məhdudlaşdırılıb

Qax rayonunun Güllük kəndi ərazisində hündür dağ zirvəsində dünən axşam saatlarından başlayan yanğın məhdudlaşdırılıb. "Report"un Şimal-qərb bürosunun məlumatına görə, əraziyə Qax Dövlət Yanğından Mühafizə Hissəsinin 2 yanğınsöndürən texnikası, 40 nəfər şəxsi heyəti, o cümlədən meşə təsərrüfat

25 avqust 2021