"Ölkəmizdə bu formatda təhsil sərgisi ilk dəfə təşkil olunur" - Nigar Ələsgərova

Bakıda BYF EduExpo 2022 təhsil sərgisi keçirilib. Sərgi ilə bağlı Sonxeber.az-a danışan KOBSKA idarə heyətinin sədri Nigar Ələsgərova bildirib ki, sərgidə Bakı sakinləri təhsillə bağlı onları maraqlandıran məsələr ilə bağlı suallarına cavab tapa biləcəklər:

"Təhsil sərgisinin rəsmi açılış mərasimi baş tutdu. Cənab nazir Emin Əmrullayev, KOBİA-nın idarə heyətinin sədri Orxan Məmmədov, Prezident aparatının sektor müdiri Vüsal Quliyev, Xəzər Media Mərkəzinin baş direktoru Murad Dadaşov, o cümlədən Anadolu Universitetinin rektoru tədbirimizin iştirakçısı idi. Sərgi təhsil sahəsində fəaliyyət göstərən sahibkarlar və biznes qurumları arasında əməkdaşlığı daha da inkişaf etdirəcək. Eyni zamanda Bakı sakinləri də təhsillə bağlı onları maraqlandıran məsələr ilə bağlı suallarına cavab tapa biləcəklər. Sərgimizin şüarı "Gələcəyini inşa et" dir. Yəni gələcəyini bu sahədə inkişaf etdirmək istəyən ziyarətçilər suallarının cavabını tapa biləcəklər. Sərgidə 50-dən çox şirkət iştirak edir. Onlar həm xarici dil kursları, həm peşə hazırlıq kursları, Türkiyə və Azərbaycanın özəl və dövlət universitetləridir. Həmçinin robotexnika, psixologiya mərkəzləri burada toplanıblar. Qeyd edim ki, ölkəmizdə bu formatda təhsil sərgisi ilk dəfə təşkil olunur. Hətta deyərdim ki, bu, təhsil festivalıdır. Bu, davamlı xarakter daşıyır. Gələcəkdə də hər il keçirilməsi nəzərdə tutulub".
Şəbnəm Lətifi

Telegramda izləyin