"Süni qiymət artımına nəzarət olunmalıdır" - Musa Quliyev

Son vaxtlar ərzaqların qiymətində kəskin bahalaşma müşahidə olunur.
Ərzaq bahalaşması isə ilə bağlı Sonxeber.az-a danışan Milli Məclisin deputatı, Əmək və sosial siyasət komitəsinin sədri Musa Quliyev bildirib ki, bu bütün dünyada gedən prosesdir.
Ərzaq inflyasiyasının böyük qismi bizə idxal olunan ərzaqlardadır:

"Yəqin ki, hökumətin müvafiq qurumları bu məsələ ilə məşğuldular. Birinci növbədə ərzaq məhsullarının tənzimlənməsi ilə əlaqədar hökumətin öz qərarı var ki, süni şəkildə qiymət artımı olmasın.Hansı marketin, bazarın ərzaq məhulunun qiymətini süni şəkildə qaldırdığına nəzarət olunmalıdır. Digər tərəfdən ərzaq məhsulunun bolluğunu yaratmaq üçün işlər görülməlidir. Həm daxili istehsalı, həm xarici ticarəti stimullaşdırmaq üçün addımlar atılmalıdır. Təqaüd və əmək haqqının qaldırılması bu il baş verib. Yəqin ki, gələn ilin də büdcəsində təqaüd və əmək haqqı artımı nəzərdə tutulub. Bu, təkcə Azərbaycanın problemi deyil, bütün dünyada gedən prosesdir. Yəqin ki, yaxın bir ildə də bu problem olacaq. Amma hər halda hökumət gələn ilə inflyasiyanı aşağı sala biləcək. İnflyasiya həm koronavirus pandemiyası, həm də Rusiya-Ukrayna müharibəsi ilə əlaqədardı. Ərzaq inflyasiyasının böyük qismi bizə idxal olunan ərzaqlarda müşahidə olunur".
Şəbnəm Lətifi

Telegramda izləyin