"Klon"un Zeyni yadınızdadır? - İndi aşiq olduğu "Hade" də onu tanımaz - FOTO

21 il öncə Braziliyadan dünyaya səs salan "Klon" serialının aktyorları indi necədirlər?

Çəkilişindən bir neçə il sonra Azərbaycanda da nümayiş olunmağa başlayan serialın qəhrəmanları qısa zamanda hər kəsin sevimlisinə çevrilib. Müxtəlif obrazlarına görə fərqlənən "Klon" bu gün də izləyicilərinin yadındadır.

2001-ci ildə Braziliyada nümayiş olunan "Klon" teleserialı Şərq-Qərb fərqlilikləri, narkomaniya və insanın klonlaşdırılması kimi üç böyük mövzuyla dünyanın ən məşhur seriallarından birinə çevrilib. 2010-cu ildə Braziliyada serialın remeyki, yəni başqa aktyorlarla ikinci variantı çəkilsə də, gözlənilən uğuru əldə etməyb.

BiG.AZ oxuculara ssenarisi Qloriya Peresə, rejissor işi Jayme Monjardinə aid olan "Klon" teleserialında gecə klubunun sahibi, varlı Zeyn obrazını yaradan braziliyalı aktyor Lusiano Şafir barədə danışmaq istəyir.

Bu rol yaraşıqlı aktyora dünya şöhrəti gətirib. Filmdə onun yaratdığı obraz bir çox qadınların qəlbini ovsunlasa da, baş roldakı Hadeni ələ keçirə bilməyib.

O vaxt ona "yox" deyən Hade indi, bəlkə də, ümumiyyətlə onun tərəfinə baxmazdı, halbuki Lusiano yaşına görə hələ də yaraşıqlıdır.

Təbii olaraq, aktyor 21 il ərzində dəyişilib. O, artıq əvvəlki kimi saqqal saxlamır. Serialın pərəstişkarları yaşlanan "Zeyn"i tanımaqda çətinlik çəkirlər.

Şafir aktiv şəkildə sosial şəbəkələrdən istifadə edir. Vaxtilə karyerasına model kimi start verən aktyor yaradıcılıq fəaliyyətini hazırda da davam etdirir.

Qeyd edək ki, 53 yaşlı Şafir bir dəfə ailəli olub. 1998-ci ildə o, braziliyalı aparıcı Şuşa ilə ailə qurub.

Bu evlilikdən cütlüyün Saşa adlı qızı dünyaya gəlib.

Lakin 2009-cu ildə aktyor boşanıb.

Bundan bir il sonra isə biznes-ledi Luhanna Melloni ilə tanış olub.

2011-ci ildən sevgili olduğu bu qadından Lusianonun 2 yaş fərqi ilə iki oğlu dünyaya gəlib: Devid və Mikael.

Lakin buna baxmayaraq, cütlüyün münasibətləri yalnız 11 il sonra, bu ilin oktyabr ayının 12-də rəsmiləşdirilib.

Telegramda izləyin