Salman Rüşdinin səhhəti ilə bağlı son vəziyyəti açıqlanıb

Yazıçı Salman Rüşdinin meneceri Andrey Vayli onun səhhəti ilə bağlı son vəziyyəti açıqlayıb.
Sonxeber.az xəbər verir ki, bu barədə El Pais qəzeti məlumat yayıb.
"O, bir gözünü itirib. Onun boynunda kifayət qədər ciddi yara var idi. Dirsəyinin sinirləri kəsildiyi üçün bir əli ümumiyyətlə hərəkət edə bilmir", - deyə menecer bildirib.

Rüşdinin xəstəxanada müalicə olunub-olunmaması ilə bağlı sualına Vayli "Onun harada olduğu barədə heç bir məlumat verə bilmərəm. Amma Rüşdi sağdır. Bu daha önəmlidir", - deyə cavab verib.

Qeyd edək ki, "Şeytan ayələri" romanına görə əlli ildən çox ədəbi karyerası boyunca ölüm təhdidləri alan Rüşdi avqustun 12-də Nyu Yorkda qatıldığı proqram zamanı səhnədə olarkən bıçaqla hücuma məruz qalıb.

Hücumu həyata keçirən 24 yaşlı ABŞ əsilli Hadi Mantar ona qarşı irəli sürülən adam öldürməyə cəhd ittihamlarını rədd edib.

Şəbnəm Lətifi

Telegramda izləyin