Bu ölkədə ilk dəfə qadın deputatların sayı kişilərdən çox oldu

Yeni Zelandiya tarixində ilk dəfə qadın deputatların sayı kişilərdən çox olub.

Sonxeber.az xarici mətbuata istinadən xəbər verir ki, Yeni Zellandiyada Leyboristlər Partiyasından olan Soraya Peke Masonun parlamentdə and içməsindən sonra qadın deputatların sayı kişi deputatların sayını keçib.

Parlamentdəki son dəyişikliklərdən sonra qadın deputatların sayı 60, kişilərin sayı isə 59 olub.
"Düşünürəm ki, bu gün mənim üçün özəl, eyni zamanda Yeni Zelandiya üçün tarixi bir gündür",- Peke Mason bildirib.

Parlamentlərarası İttifaqınməlumatına görə, Yeni Zelandiya bu il parlamentlərində ən azı 50 faiz qadın təmsilçiliyi olan 6 ölkə arasında yer alıb.

Digər ölkələr Kuba, Meksika, Nikaraqua, Ruanda və Birləşmiş Ərəb Əmirlikləridir.

Məlumatlara görə, dünya üzrə deputatların təxminən 26 faizini qadınlar təşkil edir.

Şəbnəm Lətifi

Telegramda izləyin