"Lider" TV-də işləmiş arvadını amansızlıqla qətlə yetirdi - TƏFƏRRÜAT + VİDEO

"Lider" TV-də işləmiş arvadını amansızlıqla qətlə yetirdi - TƏFƏRRÜAT + VİDEOOrxan Əliyev qısqanclıq zəminində bıçaq və baltadan istifadə etməklə həyat yoldaşı 31 yaşlı Nahidə Əliyevanın başını və qolunu bədənindən ayırıb.

Hadisə 2022-ci il yanvarın 4-də General Şıxlinski küçəsi, ev 51 mənzil 27-də baş verib. Ağır cinayəti törədən Orxan Əliyev polis əməkdaşları tərəfindən saxlanılıb. Məlum olub ki, qətlə yetirilən qadın əvvəllər "Lider" TV-də çalışıb.

İstintaqla müəyyən edilib ki, yanvarın 4-ü saat 13 radələrində Orxan Əliyev yaşadığı mənzildə həyat yoldaşı Nahidə Əliyevanın ona xəyanət etməsindən şübhələnərək, aralarında yaranan mübahisə zamanı qısqanclıq zəminində onu öldürmək qərarına gəlib. Üz nahiyəsinə yumruqla 2 dəfə zərbə vurandan sonra saçından tutub, qadını sürüyüb hamam otağına aparıb. İsrarla kəlmeyi-şəhadət söylədib, mənzildə olan mətbəx bıçağından və baltadan istifadə edərək, başını gövdədən tam ayırıb. Şiddətli ağrılarla işgəncə verərək arvadını xüsusi amansızlıqla qəsdən həyatdan məhrum edib. Öldürdükdən sonra onu soyunduraraq, həmin kəsici və çapıcı alətlərlə meyiti müxtəlif hissələrə bölüb.

İş üzrə dindirilmiş Orxan Əliyev bildirib ki, 2015-ci ildə doğma bibisi qızı Nahidə Əliyeva ilə ailə həyatı qurub, nikahdan bir övladları dünyaya gəlib. Evlənəndən sonra yoldaşı, qızı və anası ilə birlikdə yaşayıb. Son illər Nahidənin ona yalan danışmasından, həmçinin mobil telefonu vasitəsilə onu izlətməsindən şübhələnməyə başlayıb. Qadının kiminləsə danışmasını və ya mesajlaşmasını görməyib. Bununla bağlı aralarında tez-tez mübahisələr yaranıb. Axırıncı dəfə 2021-ci il dekabrın 5-də növbəti mübahisədən sonra həyat yoldaşı uşağı da götürüb, Füzuli rayonuna, valideynlərinin yaşadığı evə gedib və orada qalıb. 2022-ci il yanvarın 3-də günorta Nahidəni və övladını evə gətirmək üçün taksi ilə Füzuliyə, qayınatasıgilə yollanıb. Səhəri gün yoldaşı və uşağı ilə Bakıya qayıdıb, saat 12 radələrində evlərinə çatıblar. Bir qədər keçdikdən sonra o, anasına uşağı da götürüb bacısıgilə getməsini bildirib. Mənzildə yoldaşı ilə tək qalıb.

Nahidədən ona kiminlə xəyanət etdiyini soruşduqda, qadın heç kəslə yaxın münasibəti olmadığını deyib. Arvadının xəyanət etdiyini hiss etdiyi üçün onunla çox əsəbi vəziyyətdə danışmağa başlayıb. Nahidəyə düzünü söyləməsini, xəyanəti bağışlamayacağını və bunun cəzasının ölüm olduğunu bildirib. Yoldaşı xəyanət etmədiyinə and içəndə, bundan daha da qəzəblənib və yalandan Allaha and içməməyini söyləyib. Ardınca bir neçə dəfə yumruqla üz nahiyəsinə zərbələr vurub. Zərbələrin təsirindən qadın yerə yıxılsa da, huşunu itirməyib.

Saçından tutub, sürüyə-sürüyə onu hamam otağına aparıb. Əyilmiş vəziyyətdə saxlayaraq, ona "namusuma əl uzatmısan, sənin başını və əllərini kəsəcəm, kəlmeyi-şəhadətini de, sonra səni öldürüm" deyib. Onu kəlmeyi-şəhadətini deməyə məcbur edib və mətbəxdən götürdüyü bıçaqla Nahidənin başını kəsib. Başını və qollarını bədənindən ayırmağın çətin olacağını düşünüb, eyvandan baltanı götürüb və hamama qayıdıb. Nahidə artıq keçinib, onun başını bıçaqla kəsərək, bədənindən tam ayırıb. Sonra qollarını kəsmək üçün əynində olan paltarları çıxarıb və onları plastik tasa atıb. Nahidənin başı kəsilmiş meyitini çılpaq vəziyyətdə vannanın içinə uzadıb. Orada bıçaqla onun sağ qolunu çiyin nahiyəsindən kəsib. Baş nahiyəsini su ilə yuyub, sellofan torbaya, kəsilmiş sağ qolunu isə tasa qoyub. Hamamda qana bulaşmış yerləri də yuyub.

Bu zaman evin qapısı döyülüb. Qapının gözlüyündən baxanda anası və bacısının gəldiyini görüb. Onlara getmələrini bildirsə də, onlar israrla qapını açmasını istəyiblər. Yeznəsi də səsini çıxararaq, orada olduğunu, qapını açmayacağı təqdirdə, polisə zəng edəcəklərini deyib. Qapını açaraq, onlara artıq gec olduğunu və Nahidəni öldürdüyünü bildirib.

Şahid ifadələrindən məlum olub ki, Orxan Əliyevin qardaşı 2021-ci ilin dekabr ayında onu Narkoloji Dispanserə aparıb və orada müayinə zamanı qanında narkotik maddələr aşkar edilib.

Buna görə həkim ona müalicə təyin edib. Kompleks ambulator məhkəmə-psixoloji ekspertizasının rəyinə görə, Orxan Əliyev hərəkətlərini idarə etmək iqtidarında olub.

Məhkəmə iclasında Orxan Əliyev xüsusilə ağır cinayət törətməkdə özünü təqsirli hesab etsə də, əməlindən peşman olmadığını bildirib. Bakı Ağır Cinayətlər Məhkəməsinin hökmü ilə Orxan Əliyev 20 il müddətinə azadlıqdan məhrum olunub.


Sonxeber.az
Telegramda izləyin
Kriminal   Baxılıb: 4557   Tarix: 09 noyabr 2022  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycanda ailə qətliamı: Nə baş verib? - TƏFƏRRÜAT

Azərbaycanda həyat yoldaşını və qayınatasını qətlə yetirən kişi sonda özünü də öldürüb. "Xəzər TV"yə istinadən xəbər verir ki, dəhşətli hadisə Sabirabad rayonunun Əsgərbəyli kəndində baş verib. Saatlı rayonunun Bəylik kənd sakini, 1963-cü il təvəllüdlü Nizami Məhərrəmov ov tüfəngi ilə həya

22 avqust 2021
.

Azərbaycanda DƏHŞƏT - Arvad ərini öldürüb, kolluqda gizlətdi

Neftçala rayonunda 9 il əvvəl törədilərək bağlı qalmış cinayətin açılması təmin edilmişdir. Baş Prokurorluqdan -a verilən məlumata görə, 09.02.2013-cü il tarixdə Neftçala rayon sakini Mənəfov Mayis Nazim oğlunun Neftçala şəhəri, M.Ə.Sabir küçəsində yerləşən qəbirstanlığın yanındakı kolluq ərazidə çürümü

10 sentyabr 2021
.

Azərbaycanda yeniyetmə 53 yaşlı kişini öldürdü - YENİLƏNİB

Sentyabrın 10-u saat 06:00 radələrində 1968-ci il təvəllüdlü Əli Əliyevin bıçaqlanaraq xəsarət alması nəticəsində ağır vəziyyətdə Göyçay Rayon Mərkəzi Xəstəxanasına daxil olması və orada ölməsi barədə rayon prokurorluğuna məlumat daxil olub. Göyçay Rayon Prokurorluğunda aparılan araşdırmalarla zərərçəkmişi

10 sentyabr 2021
.

Azərbaycanda qadın qonşusunu bıçaqla öldürdü

Prokurorluq Gəncə şəhərində qadının qətli ilə bağlı məlumat yayıb. Şəhər Prokurorluğundan -a daxil olan məlumatda deyilir:. "Avqustun 31-i saat 17 radələrində Gəncə şəhər sakini, 1963-cü il təvəllüdlü Sücayət Məmmədovanın öldürülməsi barədə şəhər prokurorluğuna məlumat daxil olmuşdur. Aparılmı

1 sentyabr 2021
.

DİN ötən gün törədilən cinayətlərlə bağlı MƏLUMAT YAYDI

Daxili İşlər Nazirliyi (DİN) sentyabrın 10-da qeydə alınmış cinayət və hadisələr haqqında statistik məlumatları açıqlayıb. DİN-in mətbuat xidmətindən -a bildiriblər ki, respublikanın daxili işlər orqanları ötən gün ərzində törədilmiş 49 cinayətin üstünü "isti izlər"lə açıblar. Əvvəlki dövrlərdə

11 sentyabr 2021
.

Narkotik yetişdirən Hacıqabul sakinləri SAXLANILDI

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, eləcə də narkotik tərkibli bitkilərin kultivasiyası ilə məşğul olan şəxslər müəyyən edilərək məsuliyyətə cəlb olunublar. DİN-in Mətbuat Xidmətinin Şirvan regional qrupundan -a verilən məlumata görə, daxi

12 sentyabr 2021
.

"Anasına danışanda oğluna şər atdığımı dedi" - 10 il həbs verilən 26 yaşlı Nərmin

Ötən il Bərdədə həmcinsini güllələməkdə ittiham olunan 26 yaşlı Nərmin Mehrəliyeva 10 il müddətinə azadlıqdan məhrum edilib. Qətldə özünü təqsirli bilməyən N.Mehrəliyeva şəxsi istəyi olmadan cinsi əlaqəyə məcbur edildiyini bildirib. O, məhz həmin şəxsin anası Sevda Hacıyevanı ov tüfəngi ilə qətlə yetirməkd

2 sentyabr 2021
.

Gəncədə qadın qətlinin detalları: Hadisə yun çırpmaq üstündə olub - YENİLƏNİB

Ötən gün Gəncə şəhərində baş verən qətllə bağlı bəzi detallar məlum olub. Hüquq-mühafizə orqanlarından -a bildirilib ki, iki qonşu arasında baş verən mübahisə yun təmizləmək üstündə olub. Belə ki, Gəncə şəhər sakini, 1963-cü il təvəllüdlü Sücayət Məmmədova yaşadığı binanın qarşısında yun çırpırmış. B

1 sentyabr 2021
.

Qaxda baş verən yanğın məhdudlaşdırılıb

Qax rayonunun Güllük kəndi ərazisində hündür dağ zirvəsində dünən axşam saatlarından başlayan yanğın məhdudlaşdırılıb. "Report"un Şimal-qərb bürosunun məlumatına görə, əraziyə Qax Dövlət Yanğından Mühafizə Hissəsinin 2 yanğınsöndürən texnikası, 40 nəfər şəxsi heyəti, o cümlədən meşə təsərrüfat

25 avqust 2021