"Azərbaycan ordusu erməni terrorçularının bütün təxribatlarının qarşısını almaq gücünə malikdir" - DEPUTAT

"Bu gün Azərbaycan ordusu düşmənin bütün təxribatlarının qarşısını alacaq gücdədir".

Bunu Sonxeber.az-a danışan deputat İqbal Məmmədov deyib.

Deputat qeyd edib ki, 44 günlük Vətən müahribəsində əldə etdiyimiz möhtəşəm zəfər Azərbaycan ordusunun gücünü bütün dünyaya göstərdi:

"Nizami ordu quruculuğu prosesinin ilk addımları ulu öndər Heydər Əliyevin adı ilə bağlıdır. Ümummilli lider Heydər Əliyev 1993-cü ildə hakimiyyətə qayıdıqdan sonra qanunsuz silahlı və pərakəndə silahlı qrupları ləğv edildi,nizami ordunun formalaşdırılması istiqamətində ilkin addımlar atıldı. Qısa müddət ərzində vahid komandanlığa tabe olan ordu formalaşdırıldı. Ordunun peşəkar kadrlarla təmin olunması, texniki təchizatının yaxşılaşdırılması istiqamətlərində ciddi qərarlar qəbul edildi".

Ulu Öndərin əsasını qoyduğu ordu quruculuğu siyasəti Prezident İlham Əliyevin hakimiyyəti dövründə uğurla davam etdirilməkdədir. Ali Baş Komandan İlham Əliyevin bu istiqamətdə qəbul etdiyi qərarlar və həyata keçirdiyi kompleks tədbirlər cəmi bir neçə il ərzində dünyanın ən qüdrətli orduları sırasında yer almağımızı təmin etdi. Cənab prezidentin ordu quruculuğu sahəsində gələcəyə hesablanmış qətiyyətli addımları sayəsində Azərbaycanın Müzəffər Ordusu 44 günlük Vətən müharibəsində düşməni döyüş meydanında məhv edərək möhtəşəm zəfərə imza atdı".

Deputat vurğulayıb ki, bu gün düşmənin bütün təxribatlarının qarşısını almaq gücünə sahibik:

"Qısa müddət ərzində 30 illik işğala son qoyan ordumuz bu gün də düşmənin bütün təxribatlarına cavab vermək gücündədir. Erməni terrorçuları hər hansı bir təxribat fikrinə düşməzdən öncə yaxşı olardı ki, 44 günlük Vətən müharibəsindəki və "Qisas" əməliyyatındakı biabırçı məğlubiyyətlərini xatırlasınlar".

Aysel Yusifqızı

Telegramda izləyin