"SEPAH-da Azərbaycan uğrunda şəhid olmağa hazır olanlar var"

"İran rejimi bir terror dövlətidir və bunu dünya da bilir, qəbul edir.

Bu sözləri Moderator.az-a çıqlamasında Güney Azərbaycan Milli Oyanış Hərəkatının (GAMOH) sədri, professor Mahmudəli Çöhrəqanlı deyib.

Onun sözlərinə görə, fars-molla rejimi Azərbaycanın varlığını özünün yoxluğu hiss edir: "Sanki Azərbaycan bir Günəşdir, fars-molla rejimi buz dağıdır. Nə qədər Azərbaycan adlı bu Günəşin hərarəti güclənirsə, fars-molla rejimi adlı buz dağı da əriyib yox olacaq. Ona görə də İran adlı dövlət keçən illərdə azərbaycanlıları ən ibtidai vəziyyətdə, ağrı, acı içində saxlayıb, bütün yerüstü və yeraltı maddi nemətlərini çapıb, talayır. Fars-faşist rejimi assimlyasiyaya məruz qalan və hürriyyətini itirən azərbaycanlıları özünə bünövrə edib, ayaqda qalıb. Məsələn, İran-İraq müharibəsində qeyrətli türk, şərəfli azərbaycanlılar şüarları ilə 300 min nəfər azərbaycanlı gəncimizi boş yerə bu cinayətkar rejim qurban verdi".

"Əgər, İran rejiminin Azərbaycana hücum niyyəti olsa, özü məhv olar. Faşist-molla rejimi tarixin zibil qabına atılar, parçalanar və Güney Azərbaycan Türk Cümhuriyyəti qurular. Əgər, Azərbaycan və İran arasında savaş baş versə, 40 milyon Azərbaycan türkü elə Azərbaycan uğrunda savaşacaq. Elə SEPAH-ın özündə Azərbaycan uğrunda şəhid olmağa hazır olanlar var. Tehranda elə bir qiyam olar ki, İran rejiminin axırına çıxarlar"-deyə, GAMOH sədri vurğulayıb.

Professor əlavə edib ki, fars-molla rejiminə etibar etmək olmaz: "Ona görə də diqqətli olmaq lazımdır. Azərbaycan bu gün çox güclüdür. Azərbaycan bu gün ən müasir və güclü orduya malik ölkələrin içində regionda birincidir. Azərbaycanın arxasında o taylı, bu taylı 50 milyon azərbaycanlı var. Həmçinin, Azərbaycanın arxasında Türkiyə və Pakistan kimi güclü ölkələr var. Amma fitnə və fəsad törədə bilərlər ki, buna da hazır olmalıyıq".

Telegramda izləyin