"Bu bir neçə gün ərzində Azərbaycan dünyaya əsil qardaşlıq nümunəsi göstərməkdədir" - DEPUTAT

"Zəlzələ baş verən gündən öz qardaş və bacılarını tək qoymayan Azərbaycan xalqı dünyaya əsil dostluq nümunəsi göstərməkdədir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, zəlzələ baş verdiyi ilk gündən cənab prezident İlham Əliyevin tapşığına uyğun olaraq Türkiyədə baş vermiş zəlzələnin nəticələrinin aradan qaldırılması və fəlakət zonasında axtarış işlərində iştirak etmək üçün FHN-in şəxsi heyəti yola düşdü. Ölkə başçısının tapşırığına əsasən iki gün ərzində 10-dək təyyarə FHN-in 725 nəfərlik şəxsi heyətini və tibbi personalı, xilasetmə avadanlıqlarını, mobil səhra hospitalına aid konteynerləri, səhra mətbəxini, generatorları, nasos stansiyalarını, avtomobilləri, tibbi avadanlıqları, dərman preparatlarını, təxirəsalınmaz yardım vasitələrini, çadırları, yataq dəstlərini, humanitar və ərzaq yardımlarını qardaş ölkəyə çatdırıb. Bundan əlavə ordumuzun hərbi tibb personalı da Türkiyəyə ezam olunub".

Cavanşir Paşazadə söyləyib ki, Azərbaycanın birinci xanımı, Heydər Əliyev Fondunun prezidenti Mehriban xanım Əliyevanın göstərişinə əsasən, Heydər Əliyev Fondu tərəfindən zəlzələ qurbanlarına dəstək məqsədilə müxtəlif dərman preparatlarının, oksigen maskalarının, filtrli sistemlərin, sarğı materiallarının, onurğa taxtalarının, ilkin yardım boyunluqlarının, xərəklərin, isti geyimlərin, çadırların daxil olduğu 36 ton humanitar yardım göndərilib. Bundan əlavə Heydər Əliyev Fondunun "Regional İnkişaf" İctimai Birliyi tərəfindən qardaş ölkəyə humanitar yardım kampaniyasına da start verilib".

Deputat vurğulayıb ki, bu bir neçə gün ərzində Azərbaycan dünyaya əsil qardaşlıq nümunəsi göstərməkdədir:

"Zəlzələ baş verdiyi gündən ölkəmizdəki böyük və kiçik özəl şirkətlər də cənab prezident humanitar yardım kampaniyasına qoşularaq Türkiyə böyük məbləğdə maddi yardımlar göndəriblər. Bakıda və bütün bölgələrdə böyükdən-balacaya, qocadan-cavana hər kəs öz imkanları daxilində qardaş Türkiyə yardım göndərməkdədir. Qardaşlarımız bu çətin günləri arxada qoyana qədər də yardımlarımız davam edəcək".

Aysel Yusifqızı

Telegramda izləyin