Çinə qayıdan axtarış-xilasetmə qrupu alqışlar və Türkiyə bayraqları ilə qarşılanıb

Türkiyədə baş verən zəlzələlərdən sonra axtarış-xilasetmə işləri çərçivəsində Çindən gələn qrup ölkələrinə qayıdıb.
Sonxeber.az xəbər verir ki, xilasedicilər qrupu Quançjoudakı Baiyun beynəlxalq hava limanında alqışlarla və türk bayraqları ilə qarşılanıb.

Çinin mülki yardım təşkilatı Blue Sky Rescue Team üzvləri Türkiyədə Kahramanmaraşda baş verən zəlzələlərdən sonra xilasetmə işlərində fəal iştirak ediblər.

Komanda Çinin cənubundakı Quanqdon əyalətinin mərkəzi olan Quançjou şəhərindəki Baiyun Beynəlxalq Hava Limanında Türkiyə Baş Konsulluğunun əməkdaşları, türk iş adamları və Quançjouda yaşayan tələbələr tərəfindən alqışlarla və türk bayraqları ilə qarşılanıb.

Qeyd edək ki, fevralın 8-də Çin Türkiyəyə 341 nəfərlik komanda göndərib. Komanda dağıntılar altından 8 nəfəri xilas edib.

Telegramda izləyin