Nigeriya ordusu 2 həftədə 100 terrorçunu zərərsizləşdirib

Nigeriya ordusu ölkənin şimal-şərqində terror təşkilatlarına qarşı əməliyyatlarını davam etdirib.
Sonxeber.az xəbər verir ki, Nigeriya Müdafiə Nazirliyinin Media Əməliyyatları Direktoru Musa Danmadami verdiyi açıqlamada ordunun 9-23 fevral tarixlərində Borno əyalətində terror təşkilatları Boko Haram və ISWAP üzvlərinə qarşı havadan və qurudan əməliyyatlar həyata keçirdiyini bildirib.

Danmadami əməliyyatlarda ən az 100 terrorçunun öldürüldüyünü, çoxlu sayda terrorçunun isə yaralanaraq xilas olduğunu qeyd edib.

Əməliyyatda terrorçuların sığınacaqlarının bombalandığını bildirən Danmadami 38 silah və mühüm sursatın da ələ keçirildiyi məlumatını paylaşıb.

Nigeriyada 2000-ci illərin əvvəllərindən 2009-cu ildən bəri mövcud olan Boko Haramın təşkil etdiyi kütləvi terror aktlarında 20 mindən çox insan həyatını itirib.

Terror təşkilatı 2015-ci ildən ölkənin sərhəd qonşuları Kamerun, Çad və Nigerdə ​​də hücumlar həyata keçirib. Təşkilatın Çad gölü hövzəsində təşkil etdiyi hücumlarda ən az 2000 adam həyatını itirib.

Terror aktları və qarşıdurmalar səbəbindən ölkədə yüz minlərlə insan miqrasiya etməli olub.

Telegramda izləyin