ABŞ məhkəməsi 38 ildir həbsdə olan insanın günahsız olduğunu təsdiq edib

ABŞ məhkəməsi 1983-cü ildə törədilən qətllə bağlı 38 ildən artıq həbsdə olan Moris Hastinqsin günahkar olmadığına qərar verib.

Sonxeber.az xəbər verir ki, Los-Anceles məhkəməsinin hakimi William C. Ryanın qətllə bağlı yeni DNT tapıntıları onun başqasına aid olduğunu ortaya çıxardıqdan sonra Hastingsi günahsız olduğunu təsdiq edib.

"Bu, çox mənalıdır. Hakimin qərarı və üzr istəməsi üçün çox sağ olun. Bu gün hər şey mükəmməldir. Həyatıma davam etməyə hazıram" ,- deyə Hastinqs bildirib.

Prokuror Qaskon əlavə edib ki, Hastinqs ümidini itirmədən təxminən 40 il ərzində günahsızlığını sübut etmək üçün mübarizə aparıb.

Hökmdən sonra Hastinqsin dəymiş ziyana görə məhkəməyə müraciət edəcəyi gözlənilir.

Roberta Wydermyer adlı qadını zorlayıb öldürdüyü üçün ölüm cəzasına məhkum edilən Hastings 1988-ci ildə münsiflər heyətinin qərarı ilə ömürlük həbsə məhkum edilib.

Hastings-in əvvəlki DNT testi tələbləri rədd edilsə də, 2021-ci ildəki müraciəti qəbul edilib.

Rayon prokurorluğunun 2022-ci ildə verdiyi açıqlamada qurbanın üzərində tapılan DNT-nin həbsxanada ölən başqa bir məhbus Kennet Packnettə aid olduğu müəyyən edilib.

Los-Anceles məhkəməsi 2022-ci ilin oktyabrında vəkillərin tələbi ilə Hastingsi azadlığa buraxmışdı.

Telegramda izləyin