Ukrayna: "Rusiya gecə saatlarında 7 bölgənin enerji infrastrukturuna hücum edib"

Ukraynanın Energetika Nazirliyi Rusiyanın bu gecə Ukraynanın 7 bölgəsindəki enerji obyektlərinə hücum etdiyini bildirib.
Sonxeber.az xəbər verir ki, nazirlikdən verilən yazılı açıqlamaya görə, bu gecə Rusiya Ukraynanın enerji infrastrukturuna növbəti barbar hücumu həyata keçirib.

"Hücumlar nəticəsində Zaporojye Atom Elektrik Stansiyasını qidalandıran son xətt zədələnib. Hazırda stansiya dizel generatorları ilə işləyir" ,- açıqlamada bildirilib.

Açıqlamaya görə, martın 9-da saat 06.30-a olan məlumata görə, Kiyev, Nikolayev, Xarkov, Zaporojya, Odessa, Dnepropetrovsk və Jitomir vilayətlərinin enerji obyektlərinə hücumlar qeydə alınıb.

Ukraynanın Dövlət Nüvə Enerjisi Şirkəti Energoatom, raket hücumu təhlükəsi səbəbiylə ümumi gücü 9 min meqavat olan Pivdennoukrainsk, Xmelnitski və Rivne nüvə stansiyalarının gücünün 4700 meqavata endirildiyini açıqlayıb.

Telegramda izləyin