Belçikada dövlət işçiləri tətil edir

Belçikada dövlət işçiləri iş şəraitinin yaxşılaşdırılması və dövlət qurumlarına daha çox maliyyə ayrılması tələbi ilə tətilə çıxıblar.

Sonxeber.az xəbər verir ki, Belçikada işçi həmkarlar ittifaqlarının çağırışı ilə dövlət işçiləri bir günlük tətilə başlayıblar.

Tətil səbəbiylə ölkə daxilində səhiyyə, təhsil, təhlükəsizlik və nəqliyyat kimi bir çox sektor mənfi təsirləndi.

Dəmiryolçuların tətildə iştirakı səbəbindən ölkə daxilində qatarların hərəkəti əsaslı şəkildə dayandırılıb.

Paytaxt Brüsseldə də metro, avtobus və tramvay işçiləri tətilə çıxıb. Şəhərdə ictimai nəqliyyat xətlərinin çoxu işləyə bilməyib. Bu səbəbdən də şəhərdə nəqliyyatda ciddi problemlər yaranıb.

Vətəndaşlara ictimai nəqliyyat əvəzinə alternativ üsullarla səyahətə çağırılıb.

Digər tərəfdən tətil edən çoxlu insan Brüsselin mərkəzindəki Arts Loi küçəsində toplaşıb. Polis yol axınına mane olan etirazçıların ətrafında sıx təhlükəsizlik tədbirləri görüb.

Həmkarlar ittifaqları ictimai xidmətlərə daha çox maliyyə ayrılmasını, dövlət sektorunda məşğulluğun artırılmasını və iş şəraitinin yaxşılaşdırılmasını tələb edirlər.

Telegramda izləyin