Paşinyan Suriyanı milli bayram münasibətilə təbrik edib

Ermənistanın Baş nazir Nikol Paşinyan Suriya prezidenti Bəşər Əsədi və Suriya xalqını Suriyanın milli bayramı münasibətilə təbrik edib.

Sonxeber.az xəbər verir ki, bu barədə erməni mətbuatı məlumat yayıb.

"Əsrlərin dərinliklərindən gələn və tarixi sınaqlarla möhkəmlənən Ermənistan-Suriya dostluğu iki ölkənin qardaşlıq münasibətlərinin bundan sonra da inkişaf etməsinin əsasını təşkil edir.
Mən əminəm ki, Suriya dağıdıcı zəlzələnin nəticələrini və onun üzləşdiyi digər çətinlikləri aradan qaldırmaq üçün kifayət qədər gücə və möhkəmliyə malikdir. Suriya üçün bu çətin anlarda Suriyanın bərpası prosesinə töhfə verməyə və dəstəkləməyə hazır olduğumuzu təsdiq etmək istərdim. Sizə möhkəm cansağlığı və uğurlar, dost Suriya xalqına isə əbədi sülh və rifah diləyirəm" ,- deyə Paşinyan vurğulayıb.

Şəbnəm Lətifi

Telegramda izləyin