Pendir yeyən Pender 28 kilo arıqladı - FOTO

Böyük Britaniyanın Hetfild şəhərinin 36 yaşlı sakini Alan Pender pendir yeməklə 28 kiloqram arıqlayıb.

BiG.AZ xəbər verir ki, bu barədə "Daily Express" yazır.

Alan əvvəllər tərkibində yüksək miqdarda qlüten olan məhsullarla qidalandığını və gün ərzində dörd minədək kilokalori qəbul etdiyini bildirir. Bundan başqa, o, mütəmadi olaraq spirtli içki qəbul etdiyini, hətta dostlarıyla yığışdıqda bir butulka viski və 10 krujka pivə içdiyini etiraf edib.

Koronavirus pandemiyası dövründə Pender evdə hərəkətsiz qaldığı üçün çəkisi 107 kiloqrama çatmışdı. Bu zaman Alan rasionundan qlüteni çıxararaq keto-diyetaya (karbohidratların minimum dərəcəyə endirildiyi pəhriz rejiminə) başlamaq qərarına gəlib.

Səhərlər o, 200 qram bərk pendir yeyir, günorta yeməyinə özüylə işə 250 qram dilimlənmiş pendir aparır. Elə axşam da həyat yoldaşı ilə birlikdə bir boşqab (1,2 kiloqram) pendir yeyərək üzərindən bir stəkan su içir.

Hazırda Penderin çəkisi 79 kiloqramdır. O, eyni qida rejimini hələ də davam etdirir və mütəmadi olaraq idman zalında məşq edir.

Alan etiraf edir ki, çox miqdarda yağ qəbul etmək sağlamlığa ziyan vura bilər, lakin o dayanmaq fikrində deyil:

"Biz bundan heç vaxt bezmərik. Eşitmişəm ki, pendir yedikdə "A" sinfindən olan narkotiklər qədər asılılıq yaradan narkotik maddə ifraz olunur".

Pender bildirir ki, aşpaz kimi çalışan xanımı bəzən tərəvəzli balıq və ya ət hazırlayır, lakin onlar bu halda da yeməyin yanında pendirli sousdan istifadə edirlər.

Qeyd edək ki, Alan pandemiya dövründə Pirs Morqan, İlon Mask və Con Kliz kimi məşhurlardan onların sevdikləri pendir növü haqqında soruşmaqla məşhurlaşmışdı.

Telegramda izləyin