Qazaxıstanda həftədə 4 gün işləməyə icazə veriləcək

Qazaxıstanda 2023-cü ilin iyul ayından etibarən işçilər həftədə 5 gün deyil, 4 gün işləmək imkanı əldə edəcəklər.
Sonxeber.az "Kazinform"a istinadən xəbər verir ki, Əmək Qanununda yeni tənzimləmələr edilib.

Müvafiq olaraq bu ilin iyul ayından etibarən əmək müqavilələrində tərəflərin razılığı ilə ölkədə həftədə 4 gün işləməyə icazə veriləcək.

Ancaq 4 gün işləməyə üstünlük verənlər növbəti həftələrdə 5 və ya 6 günlük iş saatlarını növbə ilə yerinə yetirməli olacaqlar.

Özəl sektor isə 4 günlük iş variantını öz biznes tənzimləməsi çərçivəsində müəyyən edə biləcək.

Ümumi istirahət günü bazar günü qalacaq.

Telegramda izləyin