200 ildən sonra naməlum Rembrandt portretləri tapılıb

Rembrandtın sənətşünaslar tərəfindən naməlum olan və heç vaxt ictimaiyyətə nümayiş etdirilməyən iki nadir portreti 200 ildən sonra Böyük Britaniya ailəsinin şəxsi sənət kolleksiyasında tapılıb.

Sonxeber.az Financial Times-a istinadən xəbər verir ki, Christie's hərrac evinin mütəxəssisləri müntəzəm qiymətləndirmə apararkən rəsmlərə rast gəliblər.

Səkkiz düym hündürlüyündə olan portretlər Nyu-York və Amsterdamda nümayiş olunduqdan sonra iyulun 6-da Londondakı Christie's sərgi salonlarında satışa çıxarılacaq.

Kimliyi Christie's tərəfindən açıqlanmayan ailənin əcdadları 1824-cü ildə Christie's auksionunda bir cüt kiçik ölçülü yağlı boya tablosunu alıblar.

Rembrandtın axtarılan rəssam kimi şöhrət qazandığı bir vaxtda çəkilmiş portretlər rəssamla ailə əlaqələri olan Jan Willemsz van der Pluym və onun həyat yoldaşı Yaapgen Carels-i təsvir edir.

Telegramda izləyin