Böyük Britaniya işçi qüvvəsi çatışmazlığı olan sənayelər üçün immiqrasiya qaydalarını yüngülləşdirməyi planlaşdırır

Britaniyanın maliyyə naziri Ceremi Hant, işçi çatışmazlığı olan bəzi sektorlar üçün immiqrasiya qaydalarının qısamüddətli əsasda yüngülləşdirilə biləcəyini və bu barədə praqmatik olacağını deyib.

Sonxeber.az xəbər verir ki, Hant Britaniya Ticarət Palatalarının İllik Konfransındakı çıxışında immiqrasiya məsələsinin Brexit razılaşmasında əsas amil olduğunu vurğulayıb.

"Biz həmişə praqmatik olacağıq. Məsələn, qocalar evlərini işçi qüvvəsi çatışmazlığı olan sektorlar siyahısına, eləcə də tikinti sektorunun bəzi sahələrini daxil etmişik... Biz digər sektorlarla danışıqlarımızı davam etdiririk. Sektorda iş qüvvəsi var. İşçi qüvvəsi çatışmazlığı ilə qısa müddətdə immiqrasiya qaydalarını yüngülləşdirə bilərik. Potensialımızdan istifadə etməklə, çətinliklərin yaşandığı sektorlarda immiqrasiya meyarlarına məntiqli və praqmatik yanaşacağıq",- deyə o bildirib.

Böyük Britaniyanın Avropa İttifaqından (Aİ) çıxmasından sonra bir çox Aİ vətəndaşı öz ölkələrinə qayıtdı və bu, Böyük Britaniyanın əsas sektorlarında işçi çatışmazlığına səbəb oldu. Hökumət isə ölkəyə immiqrasiyaya nəzarət etmək və onu azaltmaq məqsədi daşıyır.

Telegramda izləyin