Maye əl sabunu, yoxsa bərk sabun? - DERMATOLOQDAN AÇIQLAMA

Əllərin gündəlik gigiyenasında sabundan istifadə vacibdir. Amma seçim qarşısında qaldıqda bir sual ortaya çıxır: mayə əl sabunu daha yaxşıdır, yoxsa bərk sabun? Hansı variant əlləri daha effektiv təmizləyir və gigiyena baxımından daha təhlükəsiz hesab olunur?

Bu iki sabun növü arasında həqiqətən fərq varmı?

Mövzu ilə bağlı dermatoloq Nailə Cəfərova Sonxeber.az-a açıqlamasında bildirdi ki, maye və bərk sabun arasında "mütləq daha yaxşıdır" demək düzgün olmaz. Onun sözlərinə görə, hər iki sabun əllərin təmizlənməsində effektivdir: "Burada əsas məsələ sabunun formasından çox, onun tərkibidir. Xüsusilə həssas və quru dərisi olan şəxslər ətirsiz, daha yumşaq tərkibli məhsullara üstünlük verməlidirlər. Sabunun əlləri həddindən artıq qurutması dəridə qıcıqlanma, çatlama və dermatitə səbəb ola bilər. Buna görə də tez-tez əl yuyan şəxslərin nəmləndirici xüsusiyyətli və qıcıqlandırıcı maddələri az olan sabun seçməsi daha məqsədəuyğundur. "Bərk sabun mikroblarla doludur" fikri isə tam doğru deyil. CDC həm bərk, həm də maye sabunun mikrobları əldən uzaqlaşdırmaq baxımından effektiv olduğunu bildirir.

Əsas məsələ əlləri sabunla ən azı 20 saniyə düzgün yumaqdır. "Normal dəri üçün həm maye, həm də bərk sabundan istifadə etmək olar. Həssas və quru dəridə isə sabunun formasından daha çox onun tərkibinə diqqət etmək lazımdır".

Müəllif: İlkin Məmmədkərimov

Telegramda izləyin