Zelenski Avropa Şurasının sammitində çıxış edib

Ukrayna prezidenti Vladimir Zelenski Avropa liderlərinə göndərdikləri hava hücumundan müdafiə sistemlərinə görə təşəkkür edib.
Sonxeber.az xəbər verir ki, o, növbəti dəfə liderlərdən döyüş təyyarələri tələb edib. Böyük Britaniya və Almaniyadan təyyarə tələbinə cavablar alınıb.

"Hörmətli Avropa liderləri. Bu gün Ukrayna çətin sınaqdan keçdi. Rusiyanın intensiv raket hücumu həyata keçirilib. Xüsusilə də terror dövlətinin öyündüyü ballistik raketlərlə. Rusiya bizim hava hücumundan müdafiə sistemimizin işini çətinləşdirmək üçün eyni vaxtda ballistika, qanadlı raketlər və dronlardan istifadə etdi. Ancaq bütün canlar sağ qaldı. Bütün raketlər, o cümlədən ballistik raketlər 100 faiz vurulub. Bu, tarixi nəticədir. Hamınıza təşəkkür edirəm" ,- deyə o bildirib.

O, ölkəsini Rusiya raketlərindən qorumağa kömək edən hava hücumundan müdafiə sistemləri ilə təmin etdiklərinə görə Avropa liderlərinə təşəkkür edib. Zelenski İslandiyanın paytaxtı Reykyavikdə keçirilən Avropa Şurasının Sammitində liderlərdən növbəti dəfə döyüş təyyarələri tələb edib.

Telegramda izləyin