Murad Dadaşov efirə qayıtmaq istəmir

Xəzər Media Mərkəzinin rəhbəri, Xalq artisti Murad Dadaşov yenidən aparıcılıq olmaq niyyətində deyil.

Bu barədə o, OLAY-a özəl açıqlamasında qeyd edib. M. Dadaşov estafeti digər aparıcılara ötürdüyünü bildirib:

"Mən televiziyadayam. O qədər TV-dəyəm ki, heç həyatım boyunca bu qədər televiziyada olmamışam. İnanmıram ki, yenidən ekranlara aparıcı olaraq qayıdım. O vəziyyətdə deyiləm. Amma əminəm ki, məndən də qat-qat istedadlı, gəşəng, yaraşıqlı, çevik, daha düşüncəli və istedadlı aparıcılar efirə çıxmalıdır. Bunun üçün hər bir şəraiti yaradacağam. Böyük bir media mərkəzinin rəhbəri kimi üzərimdə inzibati işlərin yükü böyükdür.

Açıq deyim, dövr dəyişməlidir. Hər bir dövrün öz qəhrəmanları var. Hesab edirəm ki, müəyyən bir dövrün qəhrəmanı idim. İndi böyüklüyüm və istedadım onda olar ki, yeni nəsil yetişdirim və onları efirə çıxarım. Ömür boyu tək özüm olsam, daha nə oldu? O zaman mahiyyətim, gözəl rəhbərliyim nədədir ki? Hər şey öz anında gözəldir. Əlbəttə ki, bu gün də formadayam. Ən vacib məsələ odur ki, öz missiyamı növbəti marafonda digərlərinə çatdırım. Estafeti cavan nəsilə ötürüm".

Telegramda izləyin