Paşinyan İordaniya Kralı, Baş Naziri Müstəqillik Günü münasibətilə təbrik edib

Ermənistanın Baş naziri Nikol Paşinyan Müstəqillik Günü münasibətilə İordaniya Haşimilər Krallığının Kralı II Abdullah Bin Əl-Hüseyn Əl-Haşimiyə və baş nazir, müdafiə naziri Bişer Əl-Xasevnə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

İordaniya Kralına ünvanlanan təbrikdə deyilir:

"Əlahəzrət,

İordaniya Haşimilər Krallığının milli bayramı - Müstəqillik Günü münasibətilə Sizə ən səmimi təbriklərimi və ən xoş arzularımı çatdırıram.

Ermənistan İordaniya ilə ənənəvi dostluq münasibətlərini yüksək qiymətləndirir və hər iki xalqın mənafeyi naminə həm ikitərəfli, həm də çoxtərəfli platformalarda qarşılıqlı faydalı Ermənistan-İordaniya əməkdaşlığının daha da genişləndirilməsində yüksək maraqlıdır.

Sizin Ermənistana tarixi səfərinizi və Sizinlə görüşünüzü hərarətlə xatırlayıram, bu görüş zamanı bir sıra mühüm razılaşmalar əldə olunub.

Fürsətdən istifadə edərək, Sizə möhkəm cansağlığı və yeni uğurlar, dost İordaniya Haşimilər Krallığının xalqına sülh və daimi tərəqqi arzulayıram".

İordaniyanın Baş nazirinə ünvanlanan mesajda belə deyilir.

"Zati-aliləri,

İordaniya Haşimilər Krallığının Müstəqillik Günü münasibətilə Sizə səmimi təbriklərimi və ən xoş arzularımı çatdırıram.

Erməni və İordaniya xalqları arasında çoxəsrlik dostluq əlaqələri Ermənistan-İordaniya münasibətlərinin inkişafı və yeni keyfiyyət müstəvisinə çıxarılması üçün möhkəm zəmin yaradır. Əminəm ki, birgə səylərlə biz hər iki xalqın rifahı naminə qarşılıqlı faydalı əməkdaşlığımızı daha da genişləndirə biləcəyik.

Fürsətdən istifadə edərək, Sizə möhkəm cansağlığı və uğurlar, davamlı inkişaf və İordaniya Haşimilər Krallığının dost xalqına ən xoş arzularımı yetirirəm".

Telegramda izləyin