"Bu gün "5-ci kalon"un üzvləri özlərini Ermənistanın ölkəmizdəki qeyri-rəsmi səfirliyinin nümayəndələri kimi aparırlar" - DEPUTAT

"44 günlük Vətən müharibəsində əldə etdiyimiz möhtəşəm qələbədən sonra ölkəmizin uğurlarını qəbul etməyən qüvvələr yenidən aktivləşib".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, 44 günlük müharibədəki möhtəşəm zəfərimizi həzm edə bilməyən məlum qüvvələr, onların ölkəmizdəki agenturası hesab olunan 5-ci kalon nümayəndələri uğurlarımıza kölgə salamaq üçün müxtəlif oyunlara əl atmaqdadırlar:

"Onlar ilk olaraq müxtəlif yalanlarla xalqımızı aldatmağa çalışdılar. Hətta sosial gərginlik yaratmaq, xalqın həssas təbəqələrini dövlət qurumları ilə qarşı-qarşıya qoymaq üçün müxtəlif çirkin metodlara əl atmaqdan belə çəkinmədilər. "5-ci kalon"un nümayəndələri ermənipərəst qüvvələrin tapşırığı ilə ölkəmizə qarşı daim şər-böhtan kampaniyası apararaq, əldə etdiyimiz nailiyyətlərə kölgə salmağa çalışırlar. Onlar vətənlərini 5-10 manata sataraq Azərbaycan ordusunu və dövlətini uydurduqları yalanlarla gözdən salmağa çalışırlar. Heç kəsə sirr deyil ki, onlar birbaşa ermənilərin və ermənipərəsət qüvvələrin tapşırıqlarını yerinə yetirirlər. Bu gün "5-ci kalon"un nümayəndələri özlərini Ermənistanın Azərbaycandakı qeyri-rəsmi səfirliyinin nümayəndələri kimi aparırlar".

Deputat vurğulayıb ki, "5-ci kalon"un nümayəndələri sosial şəbəkələrdə və özlərinin yaratdığı müxtəlif "YouTube" kanalları vasitəsilə əsası olmayan yalanlara ictimaiyyəti aldatmağa çalışırlar:

"Hətta elələri var ki, ölkəmizdəki yüksək demokratiyadan istifadə edərək həddi belə aşırlar. Onlar günü-gündən dövlətimizin qüdrətlənməsini və ordumuzun güclənməsini qəbul etmirlər. Bu gün ordumuzun güclənməsindən qorxan erməni separatçı rəhbərliyi hər zaman "5-ci kalon"un nümayəndələrindən istifadə edir və onlara göstəriş verir ki, Azərbaycan dövləti haqqında yalan, həqiqəti əks etdirməyən məlumatlarla dünya ictimaiyyətini, xalqımızı aldatsınlar. Lakin unudurlar ki, artıq xalqımız və dünya ictimaiyyəti yalan və doğrunu yaxşı ayırd edə bilir. Bu gün hər bir azərbaycanlı öz liderinə və dövlətinə inanır. Xalqımız yaxşı bilir ki, cənab prezident İlham Əliyevin verdiyi hər bir qərar, atdığı atdım dövlətimizin günü-gündən güclənməsinə, insanlarımızı rahat və təhlükəsiz şəkildə yaşamasına xidmət edir. Məhz buna görə bu gün hər bir azərbaycanlı cənab prezident İlham Əliyevə inanır və uğurlu siyasətini dəstəkləyir".

Aysel Yusifqızı

Telegramda izləyin