"Ermənistanda əsirlikdə saxlanılan Azərbaycan hərbçiləri dərhal azadlığa buraxılmalıdır" - DEPUTAT

"Ermənistanda əsirlikdə saxlanılan Azərbaycan hərbçiləri dərhal azadlığa buraxılmalıdır".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Ermənistan tarix boyu dövlətimizə və xalqımıza qarşı çoxlu sayda cinayətlər, terrorlar və soyqırımlar törədib:

"Naxçıvan istiqamətində yolu azaraq Ermənistana keçən Azərbaycan əsgərinə qarşı amansız işgəncələrin verilməsi, qeyri-insani rəftar bir daha ermənilərin necə barbar və vəhşi millət olduğunu sübut etdi. Elədikləri vəhşilik azmış kimi ermənilər aksiya keçirib Hüseyn Axundova verilən 20 illik həbs cəzasının yüngül olduğunu düşünürlər. Onlar Hüseyn Axundovun ömürlük azadlıqdan məhrum olunmasını tələb edirlər. Çox güman ki, hərbiçilərimizə qarşı amansız işgəncələrin verilməsi davam etdirilir".

Deputat vurğulayıb ki, ermənilərin bütün təxribatlarının arxasında regionda vəziyyəti gərginləşdirməklə sülh prosesini gecikdirməkdir:

"Bölgədə yaranmış yeni geosiyasi durumla barışmaq istəməyən Ermənistan təxribatlarına davam edirir. Yaxşı olardı ki, Ermənistan rəhbərliyi bu gün də davam etdiyi düşmənçilik niyyətindən əl çəkərək, Azərbaycanın şərtlərindən razılaşsın. İlkin olaraq, Ermənistan Azərbaycan hərbçilərini azadlığa buraxmalıdır".

Qeyd edək ki, 2023-cü ilin aprelində Azərbaycan ordusunun əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu itkin düşüb.

Məlum olub ki, onlar Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən yolu azaraq Ermənistan ərazisində keçib. Az sonra hər iki hərbçi Ermənistan tərəfindən əsir götürülüb.

Aqşin Bəbirov və Hüseyn Axundov "Ermənistanın dövlət sərhədini qanunsuz keçməkdə, odlu silah və döyüş sursatı daşımaqda" ittiham olunublar. Hüseyn Axundov "Zəngəzur mis-molibden kombinatının gözətçisini qətlə yetirməkdə" də təqsirləndirilir.

Aqşin Bəbirov 11,5 il, Hüseyn Axundov 20 il müddətinə azadlıqdan məhrum olunub.

Telegramda izləyin