Naxçıvanda heyvana qarşı qeyri-insani davranış edən şəxs cəzalandırıldı - VİDEO

Azərbaycanda heyvanla rəhmsiz rəftar edən şəxs cəzalandırılıb.

Sonxeber.az oxu.az-a istinadən xəbər verir ki, ulağı iplə maşına bağlayaraq, nəqliyyat vasitəsilə hərəkətə davam edən 68-BE-012 dövlət qeydiyyat nişanlı "Niva" markalı avtomobilin sürücüsü polis tərəfindən müəyyən olunaraq saxlanılıb.

Qanunvericiliyə uyğun olaraq, Şərur rayon sakini barəsində inzibati tədbir görülüb.

Qeyd edək ki, sosial şəbəkələrdə yayılan görüntülərə görə, "Niva" markalı avtomobilin sürücüsü ulağı iplə maşına bağlayaraq, nəqliyyat vasitəsilə hərəkətə davam edib.

Xatırladaq ki, İnzibati Xətalar Məcəlləsinin 274-cü maddəsinə görə, hər hansı heyvana qarşı şiddət göstərməyə, şikəst etməyə görə 500 manat cərimə nəzərdə tutulur.

Telegramda izləyin