"Rusiya sülhməramlıların Bakıdan yola salınan humanitar yardım karvanının hərəkətinə maneə yaratması ölkəmizə qarşı növbəti təxribatdır"

Azərbaycan ərazisində müvəqqəti məskunlaşan Rusiya sülhməramlıları Azərbaycan Qızıl Aypara Cəmiyyəti tərəfindən Qarabağda yaşayan erməniəsilli şəxslərin ehtiyaclarını qarşılamaq üçün Bakıdan yola saldığı humanitar yardım karvanının hərəkətinə maneə yaratmaq üçün Ağdam-Xankəndi yolunun üzərinə tikanlı məftillər qoyublar. 40 ton un yüklənmiş iki avtomobilin Xankəndinə çatdırılması üçün Rusiya sülhməramlıları ilə danışıqlar aparılır.

Bununla bağlı Sonxeber.az-a danışan deputat İqbal Məmmədov bildirib ki, Rusiya sülhməramlıların Azərbaycan Qızıl Aypara Cəmiyyəti tərəfindən Qarabağda yaşayan erməniəsilli şəxslərin ehtiyaclarını qarşılamaq üçün Bakıdan yola saldığı humanitar yardım karvanının hərəkətinə maneə yaratmaq üçün Ağdam-Xankəndi yolunun üzərinə tikanlı məftillər qoymaqları ölkəmizə qarşı növbəti təxribatıdır:

"3 ilə yaxındır ki, 10 noyabr 2020-ci il tarixində Azərbaycan Respublikası Prezidenti, Rusiya Federasiyası Prezidenti və Ermənistan Baş nazirinin imzaladığı üçtərəfli bəyanata uyğun olaraq, Ermənistan silahlı qüvvələrinin qalıqlarının tam şəkildə Rusiya Federasiyası sülhməramlı qüvvələrinin müvəqqəti yerləşdirildiyi Azərbaycan ərazilərindən çıxarılması təmin olunmayıb. Rusiya sülhməramlılar 10 noyabr bəyənatı ilə üzərlərinə götürdükləri öhdəlikləri icra etmir. Hələ də qanunsuz erməni hərbi birləşmələri Rusiya sülhməramlılarının nəzarət etdiyi ərazilərdə qalmaqdadır. Rusiya sülhməramlıları qanunsuz erməni hərbi birləşmələrinin Qarabağa gəlməsinə və onların silahlanmasına şərait yaradır. Biz hər dəfə Rusiya sülhməramlılardan tələb edirik ki, qanunsuz erməni silahlı birləşmələrini Qarabağdan çıxarsın. Lakin bu günə qədər Rusiya sülhməramlıları üzərlərinə götürdüyü öhdəliyi icra etmir, əksinə terrorçuların Qarabağda rahat hərəkət etməsinə və silahlanmasına şərait yaradır. Rusiya sülhməramlıların Azərbaycan Qızıl Aypara Cəmiyyəti tərəfindən Qarabağda yaşayan erməniəsilli şəxslərin ehtiyaclarını qarşılamaq üçün Bakıdan yola saldığı humanitar yardım karvanının hərəkətinə maneə yaratması da onların əsil məqsədini ortaya çıxarır. Yaxşı olardı ki, Rusiya sülhməramlıları hansı səbəbə görə Qarabağa gəldiklərini unutmasınlar və 10 noyabr bəyənatı ilə üzərlərinə götürdükləri öhdəlikləri icra etsinlər".

Telegramda izləyin