Siyəzəndə yol qəzası olub, ata və oğlu ölüb, yaralananlar var - FOTO - YENİLƏNİB

Bu gün səhər saatlarında Siyəzən rayonunda baş verən yol qəzasında yaralananların sayı 7-yə çatıb.

Sonxeber.az report-a istinadən xəbər verir ki, onlar Siyəzən Müalicə-Diaqnostika Mərkəzinə yerləşdiriliblər.

Hazırda yaralıların şəxsiyyəti dəqiqləşdirilib.

İlkin məlumata görə, qəzaya düşən şəxslər məktəbli formaları almaq üçün Bakı şəhərinə gedirmişlər.

***10:20

Siyəzən rayonunda ölümlə nəticələnən ağır yol-nəqliyyat hadisəsi baş verib.

Sonxeber.az report-a istinadən xəbər verir ki, hadisə Bakı-Quba yolunun Siyəzən rayonundan keçən hissəsində (105-ci km-də) qeydə alınıb.

Belə ki, "VAZ-2107" markalı minik avtomobili ilə "Toyota" markalı minik avtomobili toqquşub.

Nəticədə rayonun Böyük Həmyə kənd sakinləri - 1987-ci il təvəllüdlü Samit Bədəl oğlu Əmirov və onun oğlu 2019-cu il təvəllüdlü Elnur Samit oğlu Əmirli dünyasını dəyişib.

Xəsarət alanların isə şəxsiyyəti dəqiqləşdirilir.

Faktla bağlı araşdırma aparılır.

Telegramda izləyin