Lift 4-cü mərtəbədən şaxtaya düşdü

Çinin Hunan əyalətinin Çanşa rayonunda mənzilin lifti enərkən qəfil sıradan çıxıb.

BiG.AZ xarici mənbəyə istinadən xəbər verir ki, içində üç nəfərin olduğu lift qəfildən 4-cü mərtəbədə dayanıb və bir neçə dəqiqə sonra sürətlə yerə çırpılıb. Paylaşılan təhlükəsizlik kamerası görüntülərində liftin düşməsindən bir neçə dəqiqə əvvəl sərnişinlərin kömək üçün düyməni basdıqları və əsəbi halda ətrafa baxdıqları görülüb.

Liftdə olan şəxslər əvvəlcə tavana dəyib, daha sonra bir-birinin üstünə yıxılaraq yerə çırpılıb. Hadisə yerinə gələn sağlamlıq qrupları liftdə qalan 3 nəfəri xilas edə bilib. Bir nəfərin ayağında əzilmiş xəsarətlər, digərinin isə onurğa sümüyünün iki yerində sınıq olduğu, üçüncü şəxsin səhhətinin hələlik məlum olmadığı bildirilib.

Liftin nasazlığının səbəbi ilə bağlı rəsmi açıqlama verilməsə də, hadisə ilə bağlı araşdırmaların davam etdiyi bildirilib.

Telegramda izləyin