Fabrik sobasında sıxılmış vəziyyətdə qalan işçi faciəvi şəkildə öldü

Fabrikin sobasında sıxılmış vəziyyətdə qalan işçi faciəvi şəkildə dünyasını dəyişib.

BiG.AZ xarici mənbəyə istinadən xəbər verir ki, İngiltərədə kanoe fabrikində işləyən 54 yaşlı kişi sobanın içini təmizləyərkən içəridə ilişib qalıb. Deyilənə görə, kişi plastikləri təmizləməklə məşğul olan zaman iş yoldaşı sobanın qapısını bağlayıb.

Kişinin hələ də içəridə olduğundan xəbərsiz iş yoldaşı Mark Frensis ocağı işə salıb. Fabrikdə səs-küy zamanı Alanın kömək çağırışları eşidilməyib. 280 dərəcəyə çatan sobadan çıxmaq üçün divarlara vurmağa çalışan Alan ağrılar içində həyatını itirib.

54 yaşlı kişinin kömürə çevrilmiş cansız bədəni ocaqdan çıxarılıb. Onun eyni fabrikdə işləyən həyat yoldaşı Pearl ərinin ölümündə fabriki günahlandırıb. Firmanın texniki direktoru Peter Makkeret dəhşətli insidentlə bağlı sağlamlıq və təhlükəsizlik pozuntusunda təqsirli bilinib.

Telegramda izləyin