Rusiya: "Moskvanı hədəf alan pilotsuz uçuş aparatları vurulub"

Rusiya Müdafiə Nazirliyi səhər saatlarında Moskvanı hədəf alan ən azı üç pilotsuz təyyarənin vurulduğunu bildirib.

Sonxeber.az xəbər verir ki, Nazirlik hava hücumundan müdafiə sistemlərinin Moskva vilayətini əhatə edən Kaluqa və Tver vilayətləri üzərində iki PUA-nı və Moskva vilayətinin İstra rayonu üzərində paytaxta yaxın bir PUA-nı məhv etdiyini bildirib.

Moskva meri Sergey Sobyanin bildirib ki, pilotsuz təyyarələr Moskvaya hücum etməyə cəhd edib və Kremldən təxminən 65 km şimal-qərbdə, İstra rayonunda məişət xidmətləri obyektinə ziyan vurub.

Mer başqa yerlərdə dağıntı və ya tələfat olmadığını açıqlayıb.

Sobyanin bildirib ki, PUA qalıqları Tver vilayətinin Zavidovo kəndinə düşüb.

Rusiya xəbər agentlikləri çərşənbə axşamı səhər saatlarında paytaxtın dörd böyük hava limanından 50-yə yaxın reysin ləğv edildiyini və ya gecikdiyini bildirib.

Telegramda izləyin