Dəhşət! Çənlər partladı, küçələr şərabla örtüldü

Portuqaliyada şərab zavodunda şərab çənlərinin partlaması nəticəsində küçələr qırmızı şərabla örtülüb.

BiG.AZ xarici mənbəyə istinadən xəbər verir ki, Portuqaliyanın San Lourenço do Bairro şəhərində Levira İçki zavoduna məxsus iki çənin gözlənilmədən çökməsi nəticəsində 2,2 milyon litr içki şəhərin küçələrini spirt çayına çevirib.

Hadisənin miqyasından heyrətə gələn yerli əhali baş verə biləcək fəlakətin qarşısını almaq üçün hərəkətə keçib. Səlahiyyətlilər xəbərdar edildi və içkinin Certima çayını çirkləndirməsinin qarşısını almaq üçün istiqamətini tarlalara yönəltməli oldular.

Anadia Yanğınsöndürmə İdarəsi içkinin çaya axmasının qarşısını almaq üçün səy göstərib. Rəsmilər bildirib ki, içki zavodunun yaxınlığındakı evin zirzəmisi şərabla dolub. Levira şirkəti hadisədən sonra üzr istəyib və şərabla örtülmüş ərazinin təmizlənməsini öz üzərinə götürüb.

Telegramda izləyin