4 dollara aldığı rəsm əsəri, 250 min dollar dəyərində hərraca çıxarılacaq

ABŞ-da ikinci əl mağazasından cəmi 4 Dollara alınan tablonun məşhur rəssama məxsus olduğu üzə çıxıb.

BiG.AZ xarici mənbəyə istinadən xəbər verir ki, dəyəri uzun illərdən sonra başa düşülən sənət əsərlərinə yenisi əlavə olunub. Amerikalı rəssam N.C. Wyeth-in bir rəsm əsəri Nyu-Hempşirdəki ikinci əl mağazadan cəmi 4 dollara alınıb.

Qadının rəsmin gerçək olduğunu anlaması üçün 6 il lazım olub. Mütəxəssislər rəsmin hərraca çıxarıldığı zaman 250 min dollara qədər qiymətləndiriləcəyi qənaətindədirlər. Bonhams hərrac evinin mətbuat katibi rəsm əsərinin kəşfinin niyə 6 il gecikdiyini belə izah edib:

"Qadın nə tapdığını bilmədən bunun əsl rəsm olduğu ilə bağlı zarafat edib. İnternetdə axtarış zamanı heç bir məlumat tapmadığı üçün, rəsmin həqiqi olduğuna ehtimal verməyib. Bundan sonra sözügedən şəxs tablonu otağında asmaq, sonra isə şkafında gizlətmək qərarına gəlib. İllər sonra rəsm yaz təmizliyi zamanı yenidən ağlına gəlib".

Qadının rəsm ilə bağlı yenidən artıb. Rəsmi "Facebook" qrupunda paylaşıb. Rəsm Men ştatında yaşayan konservator Loren Lyuisin diqqətini çəkib. Bu müşahidədən sonra Lyuis tablonu araşdırmaq üçün 3 saat yol gedib. Rəsm mütəxəssisin "əsl və qiymətli" bir əsər olduğu qənaətinə gəlib. Əsərin Helen Hunt Jacksonun Ramona romanının 1939-cu il nəşri üçün çəkildiyi vurğulanıb.

Telegramda izləyin