"iPhone 15"lər təqdim olundu. Hansı yeniliklər var?

Xəbər verdiyimiz kimi, ötən gün "iPhone 15" təqdim olundu. Dünyada hər kəsin marağına səbəb olan "Apple" şirkəti yenidən diqqətləri üzərinə aldı. Əsas sual "iPhone 15" modelində hansı dəyişikliklər var?

Mövzu ilə bağlı Sonxeber.az-a texno-bloqqer Fərid Pərdəşünas açıqlama verib.

O bildirib ki, "iPhone 15" və "iPhone 15 Plus" modelləri köhnə "iPhone 14 Pro" və "iPhone 14 Pro Max"ın demək olarkı eynisi oldu.

"Dinamik ada, köhnə A16 prosessor və yenə də 2 kamera. Bu seriyaya gələn əsas yenilik, USB "Type-C" girişi, 2000 nit parlaqığında ekran və "iPhone 14 Pro" və "iPhone 14 Pro Max"da olan 48MP-lik kamera oldu. "iPhone 15 Pro" və "iPhone 15 Pro Max"da olan yeniliklərdən əsası gövdənin titandan hazırlanmasıdır. Yəni kənar çərçivələr artıq paslanmaz poladdan yox yeni materialdandır. Bunun sayəsində ən yüngünl pro model oldu. Əlavə olaraq pro seriyada səssizə almaq düyməsi yox oldu əvəzinə basılabilən və müxtəlif funksiyaların inteqrasiya edilə biləcəyi düymə quraşdırıldı."iPhone 15 Pro" və "iPhone 15 Pro Max" USB 3.0 dəstəkli "Type-C" girişi əldə etdilər. Kamera tərəfdə əsas dəyişiklik telefoto kamerasında oldu ki, bu kamera artıq 3X yox 5X yaxınlaşdırmanı dəstəkləyəcək (5X yalnız Max modelində). "iPhone 15 Pro" və "iPhone 15 Pro Max" üçün ən önəmli yenilik isə prosessor oldu. Yeni "Apple A17 Pro" çipindən güc alacaq və dünyada mobil prosessorlar arasında 3nm arxitekturada hazırlanan ən güclü prosessordur".

Qeyd edək ki, qiymətlər Amerika bazarında aşağıdakı kimidir:
"iPhone 15 128GB" - 799$
"iPhone 15 Plus 128 GB" - 899$
"iPhone 15 Pro 128 GB" - 999$
"iPhone 15 Pro Max 256 GB" - 1199$
AYSEL ƏKBƏR

Telegramda izləyin