"ABŞ-ın "ədalət" anlayışında anlaşılmazlıqlar var" - DEPUTAT

"ABŞ-ın "ədalət" anlayışında anlaşılmazlıqlar var" - DEPUTATSon günlər dövlətimizə qarşı aqressiv yanaşmalar artmaqda, özünü açıq şəkildə büruzə verməkdədir. Belə dövlətlərdən biri də məhz elə Amerika Birləşmiş Ştatlarıdır ki, yürütdüyü siyasətin təməlində yalnız öz maraqlarının dayandığı, riyakarlığın, xəyanətin və satqınlığın dövlət siyasəti səviyyəsinə yüksəldiyi aydın görünür.

"Dövlətimizin son bir neçə ildə əldə etdiyi uğurlarının arxasında gərgin iş, ağıllı siyasi gedişlər, güclü ordu formalaşdırmaq və sair dayanmaqdadır ki, bu da özünü 44 günlük Şanlı Vətən müharibəsi zamanı isbat etdi. Hər zaman dövlətimizə ikili standartlarla yanaşan dövlətlər və təşkilatlar qələbəmiz qarşısında aciz qalmaqla yanaşı, eyni zamanda bu qələbəni həzm edə bilmir, eynən bu "siyasət"lərini davam etdirmək "əzmindədirlər".

Bu sözləri Sonxeber.az-a Milli Məclisin deputatı Ceyhun Məmmədov deyib.

O bildirib ki, özünü dünyanın jandarması hesab edən ABŞ Azərbaycanın torpaqları düşmən tapdağında qaldığı 30 ilə yaxın bir müddətdə nəinki səsini çıxarmamış, hətta müəyyən vaxtlarda dövlətimizi əsassız ittihamlarla günahlandırmışdır.

"30-il ərzində ancaq işğalçı Ermənistanın maraqlarına cavab verən addımlar atmış, bizimlə eyni aqibəti yaşamış digər dövlətlərə qarşı münasibəti bizə qarşı olan münasibətdən tam fərqli olmuş, onlardan fərqli olaraq bizə qarşı aqressiv davranan bir ABŞ var ki, məhz elə həmin ABŞ Ukraynanın, Moldovanın, Gürcüstanın ərazi bütövlüyünü dəstəkləyən, Abxaziya və Cənubi Osetiyanı Gürcüstanın, Dnestryanını Moldovanın, Donbası və Krımı Ukraynanın ayrılmaz hissəsi kimi görən, bütün beynəlxalq platformalarda bu ölkələrə dəstək vermişdir.
Özünü "ədalət mələyi" kimi təqdim etməyə çalışan ABŞ bu gün Ukraynaya verilən dəstəyin cüzi hissəsini vaxtında Azərbaycana versəydi, torpaqlarımız uzun onilliklər işğal altında qalmazdı.
Həmçinin həmsədri olduğu ATƏT Minsk Qrupunun "aktiv" dönəmində də, heç bir iş görmədi, onunla eyni mövqeyi paylaşan digər həmsədrlərlə turist səfərləri gerçəkləşdirdilər, növbətçi bəyanatlar verdilər. Bu təşkilatın həmsədrlərindən biri olan ABŞ uzun illər münaqişənin dondurulmuş vəziyyətdə qalması üçün əlindən gələn hər şeyi etdi. Qarabağdakı qondarma rejimə hər il mina təmizləmə adı altında milyonlarla dollar yardım verildi. Separatçılar ABŞ-a səfər edərək "Qarabağa yardım" adı altında vəsait topladılar. Qarabağdakı cinayətkar rejimin ABŞ-da ofisinin yaradılması, rejimin nümayəndələrinin Amerikaya səfər edərək ayrı-ayrı səviyyələrdə görüşlər keçirmələri bütün qaranlıq məsələlərə çıraq tutur. Bütün bunlar Ermənistan-Azərbaycan münaqişəsinin həllinə ABŞ-ın münasibətinin göstəricisidir. Üzdə Azərbaycanın ərazi bütövlüyünə dəstək ifadə olunsa da, arxada Ermənistan və Qarabağdakı separatçı rejimə dəstək verildi.
Bütün dünyaya öz iradəsini diqtə etmək üçün ABŞ hegemon dövlət kimi beynəlxalq sistemi qorxudacaq düşmən obrazı yaratdı və İslamı "sivil dünyanın" əsas düşməni elan etdi. İslamofobiyanın dövlət siyasəti səviyyəsinə yüksəldiyi bu ölkə terrorla mübarizə adı altında təkcə müxtəlif ölkələrin daxili işlərinə müdaxilə etmədi, həm də müsəlman ölkələrini hədəfə götürdü. "Ərəb baharı" ssenarisinin reallaşdırılması nəticəsində Yaxın Şərq ölkələrində hakimiyyətlər devrildi, vətəndaş qarşıdurmalarına rəvac verildi.
Guya ki, İraqın "nüvə silahına" malik olduğu görüntüsü yaradaraq bu ölkəyə təcavüz etdilər, nəticədə bir milyon iraqlı öldü, şəhər və kəndlər dağıdıldı, ölkənin milli sərvətləri nəzarətə götürüldü və hazırda da talan edilməkdədir. Müəmmər Qəddafinin devrilməsindən sonra Liviyada başlanmış vətəndaş qarşıdurması hələ də səngimək bilmir. Yaxın Şərqdə milyonlarla insanın qətli, iqtisadi infrastrukturun dağıdılması, şəhər və kəndlərin xarabazara çevrilməsi və bu problemin hələ uzun illər davam edəcəyi reallığı ABŞ-ın Şərqə gətirdiyi "demokratiyanın" nəticəsidir. İndiyədək müsəlmanların işgəncələri və öldürülməsi ilə tanınan biabırçı Əbu-Qreyb, Quantanamo qalmaqallarına görə məsuliyyət daşıyan ABŞ bu gün özünü "insan haqlarının havadarı" kimi təqdim edir.
Hazırda keçmişdə olduğu kimi dünyada bütün gərginlik nöqtələri ABŞ-ın istəyi və planlarına uyğun yaradılır, bütün siyasi oyunların bir məqsədi var: hər hansı regionda və ya ölkədə Amerikanın maraqlarını təmin etmək, həmin ərazinin sərvətlərini nəzarətə götürmək və istismar etmək. ABŞ-ı nə demokratiya, nə insan hüquqları, nə sülh, nə də sabitlik maraqlandırır. Cənubi Amerika, Afrika, Asiyanın böyük bir hissəsi Amerikanın siyasi oyunları üçün poliqona çevrilib.
Uzun illər Azərbaycan da ABŞ-ın geosiyasi oyunlarından əziyyət çəkib, ölkəmizdə bu və ya digər hakimiyyət çevrilişinin reallaşdırılmasına cəhdlər göstərilib. Siyasi müxalifətin maliyyələşdirilməsi, təlimatlandırılması, QHT sektorunun, medianın siyasi oyunlara cəlb edilməsi, bir sözlə ölkədə vətəndaş itaətsizliyi mühitinin yaradılması istiqamətində ardıcıl iş aparılıb. Əsas məqsəd o idi ki, Azərbaycanda ABŞ-ın maraqlarına sözsüz itaət edən hakimiyyət formalaşdırılsın və onun əli ilə Azərbaycan ərazilərinin işğalı legitimləşdirilsin. Lakin bu cəhdlər, çoxsaylı planlar baş tutmadı. ABŞ Azərbaycanı "suriyalaşdırmağa" cəhdlər edib, ölkənin güclənməsi, inkişaf etməsi və işğal altındakı Qarabağı azad etməsinə imkan verməmək üçün bir neçə dəfə "rəngli inqlilablar" planı hazırlanıb. Amma iqtidar-xalq birliyi sayəsində bu çirkin planların heç biri reallaşmayıb. 44 günlük müharibədən sonra Azərbaycanda iqtidar-xalq birliyinin daha da gücləndiyini anlayan ABŞ bu gün taktikasını dəyişərək ələbaxan müxalifətdən yox, milli dəyərlərə böyük təhlükə olan LGBT, əxlaqsızlığı təbliğ edən "feministlər", Vətən Müharibəsindəki Zəfəri dəyərsizləşdirməyə çalışan "NO WAR"çılardan istifadə etməyə çalışır, qatı ermənipərəst və anti-türk, anti-azərbaycan düşüncəli Samanta Pauerin rəhbəri olduğu USAİD xətti ilə bu qruplara maliyyə ayırır.
Hazırda bu gün ABŞ Fransa ilə yanaşı Qarabağ ermənilərinin reinteqrasiya prosesinə imkan verməyən və Ermənistandakı revanşist qüvvələri stimullaşdıran tərəf qismində çıxış etməkdədir. Fransanın belə açıq ermənipərəst siyasəti sayəsində bu gün Paris regional proseslərdən tam təcrid olunub və vasitəçilik ümidlərini itirib. Bu cür davam etsə, eyni aqibət özünü bölgədə xristian missioner kimi aparan ABŞ-ı da gözləyir".
AYSEL ƏKBƏR


Sonxeber.az Telegramda izləyin instagramda izləyin
Sosial   Baxılıb: 587   Tarix: 18 sentyabr 2023  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

"AVT Logistics" Bakı və regionlarda yeni iş yerləri yaradır

Müəssisədə 92 əməkdaş fəhlədən mütəxəssis vəzifəsinə yüksəlib. Cənubi Qafqazın ən böyük anbarlarından birinə sahib olan "AVT Logistics" tədarük zəncirinin effektiv idarə olunması üçün insan kapitalını gücləndirir. Veysəloğlu Şirkətlər Qrupuna daxil olan və əsas anbarları Abşeron rayonu, Məmmədl

28 sentyabr
.

Qarabağ bölgəsində müsadirə edilmiş döyüş texnikası, silah və sursat - SİYAHI

Müdafiə Nazirliyi Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra müsadirə edilmiş döyüş texnikası, silah və sursat barədə yeni siyahı açıqlanıb. Sentyabr ayının 28-i saat 10:00-a olan məlumat:. 1. Atıcı silah və qumbaraatanlar - 1132. 2. Artilleriy

28 sentyabr
.

Otuz il sonra Xocavənddə meyitinin qalıqları tapılan Təhsin Hacıyevlə Salyanda vida mərasimi keçirilir - FOTO

Birinci Qarabağ müharibəsində Füzulinin Kürdmahmudlu kəndində itkin düşən və meyitinin qalıqları 30 il sonra Xocavənddə aşkarlanan Təhsin Hacıyevin nəşi Salyan rayonunun Qarabağlı kəndinə gətirilib. Report-a istinadən xəbər verir ki, şəhidlə doğulduğu evdə vida mərasimi keçirilir. Mərasimdə şəhidin ail

28 sentyabr
.

Xankəndi sakini illər sonra öz torpağında yanğını söndürdü - Foto

Məlum olduğu kimi, bir neçə gün öncə Xankəndi şəhərində yanacaqdoldurma məntəqəsinin partlaması nəticəsində baş verən yanğının söndürülməsinə Azərbaycan FHN-in əməkdaşları da cəlb olunub. "Qafqazinfo" xəbər verir ki, onların arasında üç yaşında Xankəndidən çıxan və hazıda Gəncə şəhərində yaşaya

28 sentyabr
.

"Azərbaycan separatizmin kökünü kəsməklə Cənubi Qafqazda yeni dinc həyatın əsasını qoyur" - Aydın Hüseynov

"Azərbaycanda Qarabağdakı silahlı erməni birləşmələrinə qarşı lokal antiterror əməliyyatlarını uğurla başa çatdırmaqla və bölgədəki qondrama rejimin təslim edilməsinə nail olmaqla Xankəndinin tamamilə mərkəzi hakimiyyətə tabe olmasını təmin etdi". Bunu -a danışan deputat Aydın Hüseynov bildirib

28 sentyabr
.

Azərbaycanın Qarabağ bölgəsində mina-tələlər zərərsizləşdirilib - FOTO/VİDEO

Azərbaycan Ordusunun mühəndis-istehkam bölmələri Qarabağ bölgəsində ərazinin mina və partlamamış döyüş sursatlarından təmizlənməsi üzrə tədbirlər görür. Bu barədə Müdafiə Nazirliyi məlumat yayıb. Bildirilib ki, Qozlukörpü-Həsənli yolunda xeyli sayda piyada və tank əleyhinə mina, həmçinin partlamamı

27 sentyabr
.

Azərbaycanda yolda təhlükəli vəziyyət - Göz-gözü GÖRMÜR - VİDEO

Abşeron rayonunda mərkəzi yolların birində təhlükəli vəziyyət hökm sürür. Bu barədə -in "qaynar xətti"nə məlumat daxil olub. Söhbət Saray qəsəbəsindəki Heydər Əliyev küçəsindəki yoldan gedir. Belə ki, yoldan istifadə edən sakinlər bildirir ki, işıq dirəklərinin olmasına baxmayaraq işıqlar yandırılmır

28 sentyabr
.

Qənirə Paşayevanın son vəziyyəti ilə bağlı AÇIQLAMA

Milli Məclisin Mədəniyyət komitəsinin sədri, deputat Qənirə Paşayevanın son vəziyyəti açıqlanıb. Mərkəzi Klinikadan bildirilib ki, onun müalicəsi ümumi reanimasiya və intensiv terapiya şöbəsində davam etdirilir. "Aparılan kompleks müalicəyə baxmayaraq ümumi vəziyyəti ağır olaraq qalır", - klinikada

28 sentyabr
.

Toyqabağı şəhid olan polis - VİDEO

Sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partlaması ilə törədilən terror aktı nəticəsində həlak olan polis serjantı Asim Camalzadənin yaxınları Baku TV-yə danışıblar. 29 yaşlı şəhidin nənəsinin sözlərinə görə, nəvəs

28 sentyabr