"Belə bir çətin və tarixi dövrdə dövlətə, millətə qarşı müxalifətçilik etmək, heç kimə şərəf gətirməz" - DEPUTAT

Xəbər verdiyimiz kimi Azərbaycan Ordusu Qarabağda antiterror əməliyyatlarına başlayıb.

Bununla bağlı Sonxeber.az-a danışan deputat Nəsib Məhəməliyev bildirib ki, Azərbaycan xalqı ümummilli məsələlərdə birləşməyi, Müzəffər Ali Baş Komandan İlham Əliyevin ətrafında yumruq kimi birləşməyi bacardığını dəfələrlə nümayiş etdirib:

"44 günlük müharibədə, siyasi, ideoloji ziddiyətlərə baxmaraq, bütün ictimai-siyasi təşkilatlar vahid mövqedən çıxış etdilər. Xalqımızın milli birliyini bütün dünya gördü. Ancaq, Xalq Cəbhəsi, Müsavat və Real partiyalarının anti-terror tədbirlərini dəstəkləməmələri, anti-milli mövqedir və hər bir vətəndaşımızda məyusluq doğurur. Ölkədə fəaliyyət göstərən siyasi partiyalar, ictimai təşkilatlar, bütövlükdə cəmiyyət qeyd-şərtsiz dövlətin arxasında durduqları halda bu üç partiyanın tutduqları mövqe vətənə xəyanətkarlıqdır. Başqa ad tapmaq çətindir. Belə bir çətin və tarixi dövrdə dövlətə, millətə qarşı müxalifətçilik etmək, heç kimə şərəf gətirməz".

Telegramda izləyin