Dünyadakı ac insanları sayı rekord həddə çatdı

Dünyada ac insanların sayı 2005-ci ildən bəri rekord həddə çatıb.

Lent.az-ın xarici mediaya istinadən xəbərinə görə, bunu BMT-nin baş katibi Antonio Quterreş BMT Baş Assambleyasının 78-ci sessiyasının ümumi siyasi debatlarının açılışında bildirib.

O, həmçinin əlavə edib ki, 1,2 milyard insan hələ də ifrat yoxsulluq içində yaşayır. Eyni zamanda, dünyada bərabərsizlik artır: dünyanın 10 ən varlı adamı indi dünya əhalisinin 40 faizinin cəmindən çox pula malikdir.

Bundan əlavə, Quterreş qlobal iqlim problemlərindən danışaraq, dünya ictimaiyyətini kömürdən istifadəyə son qoymağa çağırıb. 2030-cu ilə qədər İqtisadi Əməkdaşlıq və İnkişaf Təşkilatı ölkələri (o cümlədən Avropa ölkələri, Avstraliya, ABŞ, Türkiyə və başqaları), 2040-cı ilə qədər isə qalan ölkələr çirkli yanacağın istifadəsindən qurtulmalıdır. Həmçinin, onun sözlərinə görə, inkişaf etmiş ölkələr inkişaf etməkdə olan ölkələrə iqlim dəyişikliyi ilə mübarizə üçün 100 milyard dollar ayırmalıdır.

Telegramda izləyin