"Ali Baş Komandanın antiterror tədbirlərinin yekunlarına dair xalqa ötəngünkü müraciətinin çox böyük tarixi əhəmiyyəti var" - DEPUTAT

"24 saatlıq anti-terror əməliyyatı Azərbaycan ordusunun və dövlətinin gücünü bir daha dünyaya sübut etdi".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, 24 saatlıq lokal xarakterli anti-terror əməliyyatı bir daha dünyaya göstərdi ki, regionda söz sahibi Azərbaycandır:

"Bu dəfə ermənilər qüdrətli Azərbaycan ordusu qarşısında cəmi 24 saat tab gətirə bildi. Azərbaycan ordusu qarşısında aciz olan Qarabağdakı qanunsuz silahlı birləşmələri ağ bayraq qaldıraraq təslim oldu. Əldə olunan razılığa əsasən Qarabağdakı Ermənistan silahlı qüvvələrinin birləşmələri və qeyri-qanuni erməni silahlı dəstələri tam şəkildə tərksilah olunaraq silahı yerə qoyur, döyüş mövqelərindən və hərbi postlardan çıxırlar. Əslində bu, 10 noyabr 2020-ci ildə imzalanan üçtərəfli Bəyanata uyğun olaraq Rusiya sülhməramlılarının Qarabağa daxil olmasıyla paralel olaraq, qeyri-qanuni erməni silahlı dəstələri bölgəni tərk etməli idi. Amma Azərbaycanın bu tələbi 3 ildir ki, ermənilər tərəfindən yerinə yetirilmir, təxribatlar davam edirdi. 3 ildir ki, ermənilərin icra etməkdən boyun qaçırdığı bu öhdəliyi də Müzəffər Ali Baş Komandanın rəhbərliyi ilə Azərbaycan Ordusu icra etdi. Erməni terrorçuları Azərbaycanın Müzəffər Ordusunun qarşısında cəmi 24 saat dayana bildi. Növbəti biabırçı məğlubiyyətə uğrayan qanunsuz erməni silahlı birləşmələri ağ bayraq qaldıraraq təslim oldu".

Deputat vurğulayıb ki, cənab prezident İlham Əliyevin dünənki müraciətində növbəti dəfə dövlətimizin, xalqımızın humanistliyini və sülhpərvərliyini göstərdi:

"Ali Baş Komandanın xalqa ötəngünkü müraciətinin çox böyük tarixi əhəmiyyəti var. Azərbaycan torpaqlarında qurulan 30 illik separatizmə son qoyuldu. 30 il ərzində biz ermənilərin kimklər tərəfindən himayə olunduğunu gördük. Əsas da 44 günlük Vətən müharibəsində və sonrakı dövrdə. Cənab prezidentin antiterror tədbirlərinin yekunlarına dair xalqa müraciətində əsas məqamlardan biri Qarabağdakı ermənilərin gələcək aqibətləri ilə bağlı dövlətimizin yürüdəcəyi siyasətə dair fikirlərdir. Dövlət başçısı növbəti dəfə Azərbaycan xalqının necə humanist və sülhpərvər olduğunu göstərdi. Ermənilər Azərbaycan qanunları qəbul etdikləri təqdirdə Qarabağda yaşaya bilərlər. Bizim heç kimə zorla qanunlarımızı qəbul etdirmək niyyətimiz yoxdur. Qanunlarımızı qəbul etməyən ermənilər təhlükəsiz şəkildə ölkəmizi tərk edə bilərlər".

Telegramda izləyin