Mərakeş ölkəyə turist kimi daxil olan iki fransız jurnalisti deportasiya edib

Mərakeş ölkəyə turist kimi daxil olan və jurnalist olduqlarını bildirməyən iki fransızın deportasiya edib.

Sonxeber.az xəbər verir ki, Mərakeş hökumətinin sözçüsü Mustafa Baytaş Nazirlər Kabinetinin iclasından sonra mətbuata açıqlama verib.

Baytaş iki fransız jurnalistin ölkəyə turist kimi daxil olduğunu, peşələrini bəyan etmədiklərini və icazə almadıqlarını bildirib.

Baytaş qeyd edib ki, sözügedən jurnalistlərin qanuna uyğun olaraq ölkələrinə geri göndərilməsi normaldır.

Hökumət sözçüsü həmçinin əlavə edib ki, fransalı jurnalistlərin Mərakeşdəki zəlzələ ilə bağlı yaydıqları xəbərlərin bir qismi obyektiv deyil, lakin onların heç birinə hər hansı təzyiq göstərilməyib.

Mərakeş Milli Mətbuat Şurası sentyabrın 20-də Mərakeşdə baş vermiş zəlzələ ilə bağlı xəbərlərində pozuntular müşahidə etdiyi Fransanın "Charlie Hebdo" jurnalı və "Liberation" qəzetinə qarşı şikayət ərizəsi verdiyini açıqlayıb.

Şura zəlzələ ilə bağlı reportaj hazırlamaq üçün ölkədə 78-i fransız olmaqla 312 xarici jurnalistin çalışdığını və onların hamısının lazımi akkreditasiyadan keçdiyini qeyd edib.

Sentyabrın 8-nə keçən gecə Mərakeşdə 7 bal gücündə zəlzələ baş verib.

Zəlzələ Mərakeşlə yanaşı, paytaxt Rabat və Kasablanka, Meknes, Aqadir və Fes şəhərlərində də hiss olunub.

Telegramda izləyin