"Makronun regionda vəziyyəti yenidən gərginləşdirməyə xidmət edən səyləri heç bir nəticə verməyəcək" - DEPUTAT

"Makron öz ampluasına sadiq qalaraq öz sərsəm açıqlamalarını davam etdirir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, kütləvi qırğınlara, soyqırımlara və müxtəlif terror aktlarına məruz qalmış azərbaycanlılar haqqında heç bir kəlmə danışmayan Emmanuel Makronun bu gün ermənilərin hüquqlarını müdafiə edən annormal açıqlamalar verməsi absurddur. Bu gün öz ölkəsində müstəmləkə siyasəti çərçivəsində insan haqlarına dəyər verməyən Makronun bir çox xalqların, etnik azlıqların azad, təhlükəsiz və firavan yaşadığı Azərbaycana məsləhət verməsi çox gülüncdür. Heç kəsə sirr deyil ki, Fransa prezidenti bəyənatları ilə Ermənistanı Qarabağla bağlı məsələdə revanşist ritorikaya kökləyərək regionda yenidən gərginlik ocağını qalamağa çalışır. Əslində Fransa bu mövqeyi ilə tək Azərbaycana qarşı deyil, həm də Türkiyə və Rusiya qarşı çıxır. Makronun regionda vəziyyəti yenidən gərginləşdirməyə xidmət edən səyləri heç bir nəticə verməyəcək".

Deputat vurğulayıb ki, Makronun Fransanın TF1 kanalında EN DIRECT proqramına verdiyi müsahibəsi zamanı səsləndirdiyi absurd fikirlər onun Azərbaycana qarşı yürütdüyü qərəzli mövqeyini bir daha sübut etdi:

"Fransa hələ də Azərbaycanın bütün cəbhədələrdəki qələbəsi ilə barışmaq istəmir. Fransa heç zaman Azərbaycan-Ermənistan münasibətlərinin normallaşması prosesində iştirak edə bilməz. Çünki 30 ilə yaxın müddətdə Fransa Ermənistanın yanında olaraq, onun işğalçı siyasətini dəstəkləyib. Makron Azərbaycana qarşı sərsəm bəyanatlar səsləndirməyə davam edərsə bu ölkə ilə münasibətlərimizə yenidən baxmalı olacağıq".

Telegramda izləyin