"Əziz Qənirə Paşayevanın nurlu xatirəsi onu sevənlərin qəlbində hər zaman yaşayacaq" - Tamam Cəfərova

"Qənirə xanımın vəfatı hamımızı sarsıtdı. Gözlədiyimiz möcüzə baş vermədi və bu gün Qənirə Paşayevanı son mənzilə yola saldıq".

Bunu Sonxeber.az-a açıqlamasında deputat Tamam Cəfərova bildirib.

Deputat vurğulayıb ki, Qənirə xanımın vəfatı Azərbaycan ictimaiyyəti üçün böyük və ağrılı bir itkidir:

"Qənirə xanın xalqın sevimlisi idi. Qənirə Paşayeva eldən getdi.Bugünkü vida və dəfn mərasimində insanların kədəri, göz yaşları bunu bir daha göstərdi. Təbii ki, bu mərasimə onu sevənlərin hamısı qatıla bilməmişdi. Amma sosial şəbəkələrə baxsaq, insanların Qənirə xanıma olan sevgilərini, onun vəfatından necə üzüldüklərini görə bilərik. Qənirə xanım xeyirxahlıq simvolu idi. Sanki O bu dünyaya həm də xeyirxaq işlər görmək üçün gəlmişdi.

Millə Məclisin deputatı, Mədəniyyət Komitəsinin sədri Qənirə Paşayeva görkəmli ictimai-siyasi xadim idi. Qənirə xanım öz həyatını vətəninə, dövlətinə, xalqına həsr etdi. Vətən sevdalısıydı Qənirə. İstər jurnalist kimi, istərsə də millət vəkili kimi bütün fəaliyyəti dövründə çıxışlarının əvvəli də, sonu da Qarabağ məsələsi idi. Çox şükür ki, Qənirə xanım Qarabağın azad edilməsini gördü. Son intervyusu da antiterror əməliyyatında qəti qələbəmiz, Azərbaycanın suverenliyinin tam bərpası ilə bağlı oldu.
Qənirə sevərək yaşadı: vətənini, xalqını, dövlətini, Türk dünyasını....Sevilərək də bu dünyadan köçdü.

Əziz Qənirə Paşayevanın nurlu xatirəsi onu sevənlərin qəlbində hər zaman yaşayacaq".

Telegramda izləyin