BMT-nin qorxulu hesabatı: Dünya əhalisinin yarısı...

Birləşmiş Millətlər Təşkilatının hazırladığı hesabata görə, dünya əhalisinin yarıdan çoxu hələ də əsas səhiyyə xidmətləri ilə əhatə olunmur.

Publika.az xəbər verir ki, Ümumdünya Səhiyyə Təşkilatı (ÜST) və Dünya Bankının birgə hazırladığı 2023-cü il üçün Universal Sağlamlığın Əhatəsi (IHC) üzrə Qlobal Monitorinq Hesabatı dərc olunub.
Birləşmiş Millətlər Təşkilatının 78-ci Baş Assambleyasında Universal Sağlamlığın Əhatəsi üzrə Yüksək Səviyyəli İclasdan əvvəl dərc edilmiş bu hesabat, mövcud olan ən son sübutlara əsaslanan təəccüblü bir faktı ortaya qoyur: Dünya əhalisinin yarıdan çoxu hələ də əsas səhiyyə xidmətləri ilə əhatə olunmur. Bundan əlavə, 2 milyard insan ehtiyac duyduğu xidmətlər və məhsullar üçün öz cibindən ödəməkdə ciddi maliyyə çətinlikləri ilə üzləşir.

ÜST-nin baş direktoru Dr. Tedros Ghebreyesus bildirib ki, COVID-19 pandemiyası bizə sağlam cəmiyyətlərin və iqtisadiyyatların sağlam insanlardan asılı olduğunu xatırlatdı:

"Bu qədər insanın əlçatan, keyfiyyətli, ilkin tibbi xidmətdən istifadə edə bilməməsi təkcə öz sağlamlıqlarını deyil, həm də cəmiyyətlərin və iqtisadiyyatların sabitliyini risk altında qoyur. Bizə təcili olaraq daha güclü siyasi iradə lazımdır ki, səhiyyə və ilkin tibbi yardımı artıraq. Sağlamlığa əsaslanan səhiyyə sistemlərini dəyişdirmək üçün həlledici dəyişikliyə ehtiyacımız var".

İlkin səhiyyə xidmətində irəliləyiş yavaşlayır. Əsrin əvvəlindən səhiyyənin əhatə dairəsi yaxşılaşsa da, Dayanıqlı İnkişaf Məqsədlərinin qəbul edildiyi 2015-ci ildən bu yana irəliləyiş yavaşlayıb. Qeyd edək ki, 2019-cu ildən 2021-ci ilə qədər heç bir irəliləyiş olmayıb.

Telegramda izləyin