Dünyada nə baş verir?: "III Dünya müharibəsinin başlaması olduqca yüksəkdir" - AÇIQLAMA

Oktyabrın 7-də səhər saatlarında Qəzza zolağından İsrailə raket hücumları başlayıb və eyni zamanda silahlı qruplar yəhudi dövlətinin ərazisinə daxil olub. Ordu "müharibə hazırlığı vəziyyəti" elan edib və tezliklə cavab olaraq "Dəmir Qılınclar" əməliyyatına başladığını bildirib. Son hadisələr III Dünya müharibəsinə zəmin yarada bilərmi?

Məsələ ilə bağlə hərbi ekspert Səxavət Məmməd BiG.AZ-a açıqlama verib:

"Ukrayna- Rusiya müharibəsi davam edir. Bu müharibənin fonunda başqa ərazilərdə yeni münaqişə zolaqlarının yaranacağı gözlənilirdi. Amma bu münaqişənin İsrail və Fələstin arasında olacağı gözlənilmirdi. ABŞ milli təhlükəsizlik nümayəndəsi 9 gün əvvəl, Yaxın Şərqdəki vəziyyətin son 20 ildə olmadığı qədər, sakit olduğunu bildirmişdi.

Fələstində və İsraildə baş verənlər onu göstərdi ki, bu sakitlik "fırtına öncəsi səssizlik" imiş. Əməliyyatlardan görünür ki, HƏMAS illərdir bu hücuma hazırlaşıb. İsrail xüsusi xidmət orqanları isə bu əməliyyatlardan xəbərsiz olub. Ona görə də, bir neçə saat İsrail dövləti "iflic" oldu. Daha sonra əks hücuma başladı.

Ekspert son zamanlar ölkələrin hərbi texnikalara xeyli vəsait ayırdığını bildirib:

"Son illər ölkələr sürətli silanlanma mərhələsindədir. Hətta münaqişəsi olmayan ölkələrdə silahlanmaya xeyli vəsait ayırmağa başlayıb. II Dünya müharibəsindən sonra, siyasi xəritələr məlum oldu.Bir çox ölkə bu xəritələrlə razı olmadığı halda, məcburi şəkildə bu xəritəni qəbul etdilər. Son zamanlar açıq şəkildə görünür ki, ölkələr bu xəritə ilə razı deyil. Hətta ehtimal edilir ki, dünyanın siyasi xəritəsi yenidən çəkilsin. Bununla da bəzi ölkələrin ərazisi genişlənə, bəzilərinki kiçilə, bəzi ölkələr isə tamami ilə sıradan çıxa bilər.

III Dünya müharibəsinin olma ehtimalı olduqca yüksəkdir. Bu fikri neyinki ekspertlər, politoloqlar, hətta, prezidentlər də səsləndirir. Dnyada baş verən proseslər son dərəcədə sürətlə gedir" - deyə ekspert bildirib.

Telegramda izləyin