Marsda mavi gün batımı - Əsrarəngiz FOTOLAR

NASA-nın Marsda işləyən "Perseverance" kosmik aparatı yeni görüntü yayımlayıb.

BAKU.WS xəbər verir ki, bu dəfə kosmik gəmi Marsda mavi gün batımını qeydə alıb və onu X-də paylaşıb.

Məlumata görə, görüntü cümə axşamı (5 oktyabr) kəşfiyyat maşınındakı naviqasiya kamerası ilə çəkilib.
Yeni paylaşılan görüntü həm də Marsın bənzərsiz strukturunun fərqinə varmağa imkan verir. Marsda atmosfer Yerdən fərqli olduğu üçün işığın dalğa uzunluğu və Günəşdən gələn şüalar fərqli şəkildə qırılır. Bu, daha fərqli rənglərin göstərilməsinə səbəb olur.
Marsın atmosferi çox nazikdir və o, Günəşdən Yerdən 50 faiz daha uzaqdır. Günəşdən gələn işıq Yerdəki oksigen, azot və karbon qazı ilə qarşılıqlı əlaqədə olduğu halda, Marsda dəmirlə zəngin olan böyük toz hissəcikləri ilə qarşılıqlı əlaqədə olur. Bu, gün ərzində aşağı tezlikli qırmızı işığı səpərək tozun özünəməxsus qırmızı rəngini verir.
Çəkilən fotoşəkillər müxtəlif planetlərin atmosferini yaxından tədqiq etməyə imkan verir.

Telegramda izləyin