İsrail Qəzzaya hücumda fosfor bombasından istifadə edib

İsrail blokada altındakı Qəzza zolağının şimalında əhalinin sıx məskunlaşdığı Kerame bölgəsinə fosfor bombası ilə hücum edib.

Sonxeber.az xəbər verir ki, bunu Fələstin Xarici İşlər Nazirliyi məsələni sosial şəbəkədə paylaşıb.

İsrail 1980-ci ildə Silahlar Konvensiyasına əsasən qadağan olunmuş fosfor bombalarından ilk dəfə istifadə etmir. İsrail 2014-cü ildə Qəzzaya hücumlar zamanı qadağan olunmuş bombadan istifadə edib.

Tərkibində ağ fosfor adlı kimyəvi maddə olan partlayıcı "1980-ci il Adi Silahlar Konvensiyası" çərçivəsində qadağan olunmuş silahlar arasındadır.

Bomba partlayanda ətrafa ağ fosfor hissəcikləri səpələnir.

Fosfor maddəsi oksigenlə təmasda olduqda, öz-özünə alovlanır və 800 dərəcə istiyə çatır.

İnsan dərisinə toxunduqda, sümüklərə nüfuz edən ciddi kimyəvi yanıqlara səbəb olur.

Fosfor tüstüsü nəfəs aldıqda ağciyərlərdə yaralara və hətta yanıqlara səbəb olur.

İnsan ya boğularaq ölür, ya da bədənindəki yanıqlar səbəbindən.

Fosfor bombaları insan sağlamlığı ilə yanaşı ətraf mühitə də zərərlidir.

Onun törətdiyi yanğınlar meşələri, kənd təsərrüfatı sahələrini və su ehtiyatlarını məhv edir.

Telegramda izləyin