Məşhur aktyor İsrail ordusuna qatıldı: "Biz qalib gələcəyik"

Fələstin və İsrail arasındakı gərginlikdən bəhs edən Netflix serialı Fauda-da rol alan aktyor İdan Amedi İsrail ordusuna qatılıb.

BiG.AZ xarici mənbəyə istinadən xəbər verir ki, HƏMAS İsraillə arasında qarşıdurmalar şiddətlənərkən, məşhur adlar da zaman-zaman açıqlamaları ilə diqqət çəkib. Bu dəfə Netflix-də yayımlanan Fauda serialının aktyorlarından İdan Amedinin qərarı gündəm olub.

Fauda filmində rol alan keçmiş İsrail hərbi aktyoru bu yaxınlarda orduya qatıldığını açıqlayıb. "İnstagram" hesabında yayımladığı videoda əsgərliyə getdiyini deyən aktyor bu ifadələrdən istifadə edib:

WhatsApp-ı açdım və çoxlu mesajlar gördüm. Hamınıza xəbər verirəm ki, yaxşıyıq. Şənbə günündən bəri burada çox yata bilmirəm, amma əhval-ruhiyyəmiz yüksəkdir və niyə burada olduğumuzu hər an anlayırıq. Ailələrimizi və uşaqlarımızı qorumaq üçün burdayıq!".

"Mən on ildən çox əvvəl hərbi söhbətləri geridə qoydum. Ona görə də ətraflı danışmayacağam, bu çətin günlərdə bütün İsrailə sadə sözlərlə deyəcəm: Biz qalib gələcəyik. Salam olsun İsrail xalqına və İDF əsgərlərinə! Bu Fauda səhnəsi deyil, real həyatdır" deyə aktyor fikirlərini tamamlayıb.

Telegramda izləyin